«Сахнагер-2019: Үздіктер марапатталды
Елордада «Сахнагер-2019» ұлттық театр сыйлығының иегерлері анықталды. Биылғы лауреаттарды марапаттау салтанаты «Жастар» театрында өтті.Мәдениет және спорт министрлігі Қазақстан театрлар ассоциациясымен бірігіп үшінші жыл қатарынан ұйымдастырған аталмыш сыйлық елімізде театр өнерінің дамуына ерекше үлес қосқан өнер иелері мен театр қызметкерлеріне тапсырылады. Биыл бұл сыйлық пен арнайы кубок 18 үздік маманға табысталды.
Атап айтқанда, «Үздік драматург» – Роза Мұқанова, «Үздік режиссер» – Гүлсина Мерғалиева, «Үздік актер – Нүркен Өтеуіл, «Үздік актриса» – Назгүл Қарабалина атанды.
«Teaтр өнерінің дамуына қосқан ерекше үлесі үшін» аталымы сыйлығын Олег Ли, Ғайникамал Байқошқарова, Сердеш Қажымұратов, Мағзұм Бақытжанов иеленді. «Сахналық ғұмыр» аталымы бойынша Рымкеш Омарханова мен Гүлжамал Қазақбаева марапатталды. 30 жас маманға «Үміт» сыйлығы тапсырылды.
Бұған қоса, үздік опера, балет, қуыршақтар театрларының үздік актерлері анықталды. Сценограф-суретші, жарық беруші, дыбыс беруші секілді үздік сахна мамандары марапатталды.