شايبالى حوككەيدەن قازاقستان رەسپۋبليكاسى پرەزيدەنتىنىڭ كۋبوگى ءۇشىن وتەتىن V حالىقارالىق ءتۋرنيردىڭ بيلەتتەرى ساتىلىمعا شىقتى.
ءداستۇرلى سايىس قر حوككەي فەدەراتسياسى, «نۇر وتان» پارتياسى مەن «بارىس» حوككەي كلۋبىنىڭ ۇيىمداستىرۋىمەن 9-13 تامىز ارالىعىندا «قازاقستان» سپورت سارايىندا وتەدى. بيىلعى جارىسقا «بارىس», «اۆانگارد», «مەتاللۋرگ», «نەفتەحيميك» كلۋبتارى قاتىسادى. اۋەلى اينالىمدىق جۇيە بويىنشا ءتورت كوماندا ءبىر-بىرىمەن كەزدەسىپ, سوڭعى ەكى ورىننان كورىنگەندەر 3-ورىنعا تالاسسا, العاشقى ەكەۋى باس بايگەنى ساراپقا سالادى. ەستەرىڭىزدە بولار, بۇعان دەيىنگى تۋرنيرلەردە استانالىق «بارىس» ءۇش رەت جەڭىمپاز اتانعان بولاتىن.
بيلەتتەر «قازاقستان» سپورت سارايىنىڭ كاسسالارىندا ساتىلۋدا. قۇنى – 200-1500 تەڭگە ارالىعىندا.
