كەشە قالا اكىمى التاي كولگىنوۆ كانادانىڭ سەناتورلارى جان-گي دجەنەمەن, ۆيكتوروم وۋمەن, قر-داعى كانادا ەلشىلىگىنىڭ ءبىرىنشى حاتشىسى كەرولل پاررمەن كەزدەستى. باسقوسۋدا ەلوردا ەكونوميكاسى ءۇشىن جەكە ينۆەستيتسيالار تارتۋ ماسەلەسى ءسوز بولدى.
ءبىرىنشى كەزەكتە قالامىز بەن تۇرعىندارعا قاجەت جوبالار قاراستىرىلىپ جاتىر. وسى جىلدىڭ 10 ايىندا قالا ەكونوميكاسىنا 1 تريلليون تەڭگەدەن استام جەكە ينۆەستيتسيا تارتىلدى. ال 2021-2022 جىلدارى 2 تريلليون 300 ملرد تەڭگەدەن استام بولدى. ەكى ەل اراسىنداعى بىرلەسكەن ىنتىماقتاستىق وزەكتى ماسەلەلەر بويىنشا تاجىريبە الماسۋعا, جاڭا كاسىپورىندار اشۋعا, جۇمىس ورىندارىن قۇرۋعا, ينۆەستيتسيالار تارتۋعا جانە ت.ب. مۇمكىندىك بەرەدى, – دەدى اكىم.
كەزدەسۋدە سونىمەن قاتار استانا مەن تورونتو اراسىندا ارىپتەستىك قارىم-قاتىناس ورناتۋ, ءبىلىم بەرۋ, تۋريزم, ەكونوميكا, مادەنيەت جانە ت.ب. سالالارداعى ىنتىماقتاستىق ماسەلەلەرى تالقىلاندى. سول سياقتى كانادا كاسىپكەرلەرىمەن ەلوردادا سۇيىتىلعان گاز ءوندىرۋ زاۋىتى سەكىلدى وزگە دە كاسىپورىندار اشۋ ماسەلەسى كوتەرىلگەن.
