فۋتبولدان قازاقستان چەمپيوناتىنىڭ پرەمەر-ليگاسىندا سوڭعى تۋردىڭ الدىندا قاراعاندىنىڭ «شاحتەر» كومانداسى ەكىنشى رەت قاتارىنان ەل چەمپيونى اتاعىن جەڭىپ الدى. «وقجەتپەس» كومانداسى جوعارى توپتان شىعىپ قالعانى الدەن-اق بەلگىلى بولدى.
جەكسەنبى كۇنى ءوز الاڭىندا قىزىلوردانىڭ «قايسار» كومانداسىن قابىلدانعان «شاحتەر» 3:0 ەسەبىمەن جەڭىسكە جەتىپ, 53 ۇپايمەن ۇلتتىق بىرىنشىلىكتىڭ جەڭىمپازى اتاندى. باسقا ويىنداردا «استانا» – «جەتىسۋ» 1:0, «اتىراۋ» – «تاراز» 0:0, «وقجەتپەس» – «ورداباسى» 1:2, «سۇڭقار» – «اقتوبە» 0:1, «توبىل» – «اقجايىق» 6:0, «ەرتىس» – «قايرات» 1:0 كورسەتكىشتەرى تىركەلدى. ازىرگە ەكىنشى ورىندا «ەرتىس», ءۇشىنشى ورىندا «تاراز» كوماندالارى كەلەدى. چەمپيوناتتىڭ جۇلدەگەرى بولۋعا «توبىل», «استانا» جانە «اقتوبە» كوماندالارى دا مۇمكىندىكتەرىن ساقتاپ وتىر. چەمپيوناتتىڭ سوڭعى تۋرى الداعى جەكسەنبىدە وتەدى.
الداعى جىلى پرەمەر-ليگادا ونەر كورسەتۋگە ءبىرىنشى ليگادا توپ جارعان «ىلە-ساۋلەت» جانە «ۆوستوك» كوماندالارى مۇمكىندىك الدى.
