مەملەكەت باسشىسىنىڭ بۇقارالىق سپورتتى دامىتۋ جونىندەگى تاپسىرماسىن ورىنداۋ ماقساتىندا استانا قالاسىنىڭ تۋريزم, دەنە تاربيەسى جانە سپورت باسقارماسى وتكەن جىلى اۋەسقوي حوككەيشىلەر كوماندالارى اراسىندا ەلوردانىڭ اشىق چەمپيوناتىن وتكىزۋدى باستاعان بولاتىن. بيىل سول يگى ءداستۇر جالعاسىن تاباتىن بولادى. العاشقى چەمپيوناتتا 10 كوماندا سايىسقا تۇسكەن بولسا, بيىل ولاردىڭ قاتارى 13 كومانداعا جەتىپ وتىر.
وتكەن سەنبى كۇنى استانا قالاسىنىڭ ەكىنشى چەمپيوناتى سالتاناتتى جاعدايدا اشىلدى. بيىلعى جارىستىڭ ءبىر ەرەكشەلىگى چەمپيوناتقا باسقا قالالاردىڭ كوماندالارى قاتىسۋعا مۇمكىندىك الىپ وتىر. سونداي-اق, جارىس جاستار جانە ارداگەرلەر اراسىندا ءبولىنىپ, ەكى بىرىنشىلىكتەن وتەدى. اتاپ ايتقاندا, جاستار توبىندا استانا قالاسىنىڭ تۋريزم, دەنە تاربيەسى جانە سپورت باسقارماسى, پرەزيدەنتتىڭ كۇزەت قىزمەتى مەن ۇقك بىرىككەن «قالقان» قۇراماسى, «قازمۇناي» ۇلتتىق كومپانياسىنىڭ «ارلان», الماتى, قاراعاندى جانە رۋدنىي قالالارىنىڭ اۋەسقويلار كوماندالارى ونەر كورسەتەدى. ال, ارداگەرلەر توبىندا قر پرەمەر-ءمينيسترىنىڭ «لەگيون-تسەليننىي», «قالقان», «بارس-فانس», استانا قالاسىنىڭ تۋريزم, دەنە تاربيەسى جانە سپورت باسقارماسى, الماتى جانە رۋدنىي قالالارىنىڭ كوماندالارى سايىسقا تۇسەدى.
اۋەسقويلار اراسىنداعى استانا چەمپيوناتىن «جىگەر» سپورت كلۋبى مكقك مەن استانا قالاسىنىڭ حوككەي جانكۇيەرلەرى ليگاسى وتكىزەدى. ويىندار «بارىس» سپورت كەشەنىندە وتەتىن بولادى.
