بۇقار جىراۋ كوشەسىنەن حۋسەين بەن تالال كوشەسىنە دەيىنگى ۋچاسكە ءىشىنارا جابىلادى, دەپ حابارلايدى astana-akshamy.kz
تۇران داڭعىلىنىڭ جول توسەمىنە ورتاشا جوندەۋ جۇمىستارى جۇرگىزىلىپ جاتقانىنا بايلانىستى 22-26 ءساۋىر ارالىعىندا تۇران داڭعىلىنىڭ بۇقار جىراۋ كوشەسىنەن باستاپ حۋسەين بەن تالال كوشەسىنە دەيىنگى ۋچاسكەسى ءىشىنارا جابىلادى. بۇل رەتتە اتالعان ۋچاسكەدە اۆتوكولىك قۇرالدارىنىڭ قوزعالىسى ءبىر باعىتتا (اۋەجايدان قالاعا قاراي) جۇزەگە اسىرىلادى.
بۇعان دەيىن حابارلانعانداي, جول توسەمىنىڭ ورتاشا جوندەۋ جۇمىستارى تۇران داڭعىلى بويىنشا كەرەي جانىبەك حاندار كوشەسىنەن جۇلدىز اينالىمىنا دەيىنگى ۋچاسكەدە جۇرگىزىلەدى (2023 جىلى تۇران داڭعىلى بويىنشا «تۇلپار» كوپىرىنەن سارايشىق كوشەسىنە دەيىنگى ۋچاسكەدە جول جۇمىستارى جۇرگىزىلگەن). جۇمىستار ۋچاسكەلەردىڭ توقسان سايىن جابىلۋىمەن كەزەڭ-كەزەڭمەن جۇرگىزىلەتىن بولادى.
جوندەۋ جۇمىستارىن جۇرگىزۋ كەزەڭىندە قالالىق قوعامدىق كولىك مارشرۋتتارىنىڭ قوزعالىس سىزبالارى وزگەرتىلەتىن بولادى. بۇل تۋرالى «City Transportation Systems» جشس رەسمي سايتىندا cts.gov.kz جانە Facebook پەن Instagram الەۋمەتتىك جەلىلەرىندە تانىسۋعا بولادى.
«ەلوردا تۇرعىندارى مەن قوناقتارىنان قالا جولدارىنداعى كەپتەلىستەردى بولدىرماۋ ماقساتىندا ءوز مارشرۋتتارىن الدىن الا جوسپارلاۋدى سۇرايمىز. ۋاقىتشا قولايسىزدىقتار ءۇشىن كەشىرىم وتىنەمىز جانە جول-قۇرىلىس جۇمىستارىن جۇرگىزۋگە تۇسىنىستىكپەن قاراۋدى سۇرايمىز», – دەلىنگەن حابارلامادا.
