Көретін дүние аз болған соң, амал жоқ
Гүлбарам ТҮГЕЛБАЕВА:
– Өте дұрыс пікір. Өзіміз осындай ақыл-ой деңгейін байқататын ойынды тәуір көріп қараймыз. Өз басым анау берілген сұрақтың жауабын білем бе деп өзімді тексеріп отырамын. Әжептәуір сома тігілгеннен кейін ойынға бірдеңе білетіндерді қатыстыру керек қой. Қарапайым сұрақтарға жауап бере алмай қиналғандарды көргенде арқам құрысып, жүйкем тозады. Рас, надандығымыз айқын көрінеді. «Қызық екен» бағдарламасына да қатысушылар өнер адамдары боп келеді де, дәл өнерге қатысты сұрақты білмейтіндері күйдіреді-ау. Тынымбай Нұрмағамбетовтей үлкен жазушыны драма жазған жоқ, ол – ақын, алып тастайық» дегенде жазушы үшін ұялдым. Мемлекеттік сыйлыққа лайық жазушыны әнге жазылған өлеңдері көп Тұманбай Молдағалиев ағамызбен шатастырды-ау деймін. Тура таппаса да, логикасы дұрыс боп, маңайласа, оның өзі де білгендік болар еді… Көретін дүние аз болған соң, амал жоқ, көреміз, бірақ…