Ersaian Kenjebai, qala tūrǧyny:
Astanada volonter bolǧysy keletın adamdar qaida habarlasuy kerek? Jalpy, elordalyq volonterlerdıŋ basyn qosatyn bır ūiym ne ortalyq bar ma?
Būl sūraqqa «Ūlttyq volonterlık jelı» ūiymynyŋ jobalar üilestıruşısı Äigerım Bijanova jauap beredı:
– Bügıngı taŋda Astanada volonterlık mädeniettı qalyptastyru jäne qoldau maqsatynda 2010 jyly qūrylǧan «Ūlttyq volonterlık jelı» ūiymy bar.
Bügınde elordada bırneşe mekeme volonterlık jobalardy ūsyna alady. Mysaly, jastar saiasaty boiynşa volonterlık qyzmetterdı «Astana» jastar damu ortalyǧynan tabuǧa bolady. Sonymen qatar, balalar men jasöspırımderdıŋ bastamalaryn qoldauǧa arnalǧan Astana qalasynyŋ jas köşbasşylar qoǧamy («Global Shapers Community in Astana») da bar. Densaulyǧy naşar kısılerdı qoldauǧa baǧyttalǧan volonterlık ıs-şaralardy «Okean-Art» şyǧarmaşylyq ortalyǧy, «Ünsız älem» qoǧamdyq qory, «Dos» täuelsız ömır ortalyǧy, «Nūr-Älem Qazaqstan» qoǧamdyq qory ūiymdastyrady. Mūnymen qosa, «Best For Kids» qoǧamdyq qory balalar üiınde tärbielenetınderdı äleumettık beiımdeu boiynşa jobany ıske asyrady.
