Astana äkımdıgı qamaudan bosaǧandardy elorda aumaǧynan tys şyǧaru turaly mäselenı tüsındırdı
Eske salsaq, üstımızdegı jyldyŋ 27 qazanynda Qazaqstan Respublikasynyŋ Zaŋdylyqty, qūqyqtyq tärtıptı jäne qylmysqa qarsy kürestı qamtamasyz etu jönındegı üilestıru keŋesınıŋ keŋeitılgen otyrysy öttı, onyŋ şeŋberınde Andrei Lukin joǧaryda atalǧan ūsynysty jariialaǧan. Alaida bırqatar BAQ aqparatty būrys berıp, atalǧan tyiym bas bostandyǧynan aiyru oryndarynan bosap şyqqan barlyq tūlǧalarǧa qatysty qoldanylady dep habar taratty.
«Ekı mekemede 1 qaŋtardan bastap 380-ge juyq adamdy bostandyqqa şyǧaruǧa daiyndyq jürgızılıp jatyr, būl – kısı öltıru, zorlau, qaraqşylyq şabuyl jäne esırtkı zattaryn zaŋsyz jasau siiaqty öte auyr qylmystar üşın sottalǧan adamdar. Barlyǧy – resedivister. Statistika körsetıp otyrǧandai, köbınese qylmystar qaita jasalady. Būl oraida men zaŋnamalyq normalardy äzırleude şaralardy qataŋdatudy ūsyndym. Būl mäseleler boiynşa sarapşy komissiia şeşım qabyldaidy», – dep atap körsettı Astana q. äkımınıŋ orynbasary Andrei Lukin.
Sondai-aq, atalǧan sanattaǧy adamdardyŋ qoǧamǧa tez beiımdelıp, aralasuy üşın olarǧa psihologiialyq kömek körsetu jäne jūmysqa tartu türınde äleumettendıru şaralary qoldanylatyn bolady. Būl maqsatta elımızdıŋ barlyq aimaqtarynda Qylmystyq-atqaru jüiesı departamentterınıŋ janynan probasiia qyzmetterı jūmys ısteidı. Tūraqty meken-jaiy joq jäne kommersiialyq jynystyq qatynas jūmyskerlerıne qatysty da osyndai şaralar qoldanylady. Būl baǧytta äkımdık, qoǧamdyq qauıpsızdık bölımderı jäne erıktıler josparly jūmys jürgızude, dedı Andrei Lukin.
astana.gov.kz
