L.N. Gumilev atyndaǧy Euraziia ūlttyq universitetınıŋ bas ǧimaratynda Älihan Maqsūt atyndaǧy «RoboZerde – 2024» I respublikalyq robototehnika festivalı öttı, dep habarlaidy astana-akshamy.kz
Festivalge Qazaqstannyŋ 15 öŋırınen kelgen 200-den astam oquşy qatysty. Is-şarany «AMANAT» partiiasynyŋ qoldauymen Älihan Maqsūt atyndaǧy daryndy balalardy qoldau qory ūiymdastyrdy. 10-18 jas aralyǧyndaǧy balalardan qūralǧan 100-ge juyq komanda robototehnikanyŋ «RoboSport» baǧytyndaǧy tört sanat boiynşa «Arqan tartys», «Asyq atu», «Aqsüiek», «Mergen» syndy saiystarda özara baq synasty. Sondai-aq, «Mädeni mūra jäne innovasiia» dep atalatyn şyǧarmaşylyq baǧyt ta boldy.
I respublikalyq robototehnika festivalınıŋ aşylu saltanatyna QR Oqu-aǧartu ministrlıgınıŋ ökılderı, QR Parlamentı Mäjılısınıŋ deputattary, AMANAT partiiasynyŋ ökılderı, Astana qalasy Bılım basqarmasynyŋ ökılderı, ǧalymdar, qoǧam qairatkerlerı, öner qairatkerlerı, jurnalister, blogerler qatysty.
Söz söilegen «AMANAT» partiiasynyŋ Atqaruşy hatşysy Däulet Kärıbek Memleket basşysy Ǧylym jäne tehnologiialar jönındegı Ūlttyq keŋeste jas ǧalymdarǧa jan-jaqty qoldau körsetudı tapsyrǧanyn atap öttı.
«Elımız ǧylym jäne tehnologiia salasyna qatysty maŋyzdy maqsat qoiyp otyr. Prezident atap ötkendei, ǧylymdy damytu – elımız üşın strategiialyq maŋyzy bar basymdyq. Memleket basşysy tapsyrmasymen ǧylymdy damytuǧa üş jyldyŋ ışınde 625 mlrd teŋge qarajat bölu turaly şeşım qabyldandy. Ǧalymdardyŋ jalaqysy ekı ese östı. Jas zertteuşılerdı qoldau şaralary küşeitılıp, sonyŋ nätijesınde ǧylymmen ainalysyp jürgen jastar sany artuda. Sondai-aq, juyrda «Jasandy intellekt» komitetı qūryldy. Iаǧni, sifrlandyruǧa köp köŋıl bölınıp jatyr. Osy oraida, «RoboZerde – 2024» festivalı jas ǧalymdar men innovasiialyq jobalar üşın airyqşa alaŋǧa ainaluǧa tiıs», – dedı ol.
Sondai-aq, Atqaruşy hatşy partiianyŋ sailaualdy baǧdarlamasynda jas tehnik stansalary men balalar tehnoparkın aşu közdelgenın aitty. Būǧan qosa, «AMANAT» partiiasynyŋ Sailaualdy baǧdarlamasynda körsetılgendei, Sätbaev atyndaǧy injenerlık mektepter, Jäutıkov atyndaǧy IT mektepter, Abai atyndaǧy gumanitarlyq mektepter jelısı qūrylady.
Tehnokrat oquşylardyŋ alǧaşqy respublikalyq saiysyn ötkızudegı maqsat – ömırden erte ozǧan daryndy oquşy, fizika, robototehnika salalary boiynşa respublikalyq, halyqaralyq pändık olimpiadalar men ǧylymi jobalardyŋ bırneşe dürkın jeŋımpazy, jas aqyn Älihan Serıkzatūly Maqsūttyŋ ǧibratty ǧūmyryn mektep oquşylaryna ülgı etu. Sol arqyly QR Prezidentı Qasym-Jomart Toqaevtyŋ halyqqa Joldaularynda aitylǧandai, elımızge qajettı bolaşaq tehnik mamandardy daiyndauǧa qoldau körsetu, oquşylardyŋ jasaǧan innovasiialyq jobalaryn, önertabystaryn BAQ jäne äleumettık jelı arqyly halyqqa keŋınen nasihattau.
Respublikalyq saiys, sondai-aq, biyl 8-14 qyrküiek aralyǧynda Astanada ötetın V Düniejüzılık köşpendıler oiynynyŋ qūrmetıne ūlttyq salt-dästür men ūlttyq sportty nasihattauǧa arnaldy.
Saltanatty ıs-şaraǧa jinalǧan köpşılık belgılı kinorejisser Mūrat Esjan tüsırgen «Älihannyŋ armany» derektı filmınıŋ körsetılımın tamaşalady.
“Bügıngı ıs-şaranyŋ maŋyzy erekşe. Robototehnika – damyǧan elderde asa qajettı sala. Prezidentımız de ärbır jinalysta jasandy intellekt, sifrlandyru, tehnokratiianyŋ maŋyzyn aityp jür. Sebebı elımızdıŋ bolaşaǧy osyǧan bailanysty bolyp tūr. Eger mūny damytpasaq, damyǧan elder qataryna qosyla almaimyz. Sondyqtan jastarymyzdy ǧylymnyŋ osy salasyna tärbieleu kerek. Osy maqsatta men de öz ūlymdy tärbielegenmın. Bıraq onyŋ ǧūmyry qysqa boldy. Ūlymnyŋ armanyn üzbeu üşın, ärı qarai jalǧau üşın basqa balalardy tärbieleuge küş salyp jatyrmyn. Osyndai ortalyqta daryndy balalardyŋ basyn qosyp, myqtylaryn taŋdap alyp, qoldau körsetu üşın sol salanyŋ mamandaryn şaqyryp, innovasiialardy körsetıp jatyrmyz. Mysaly, kiız üiler, qymyz şyǧaruǧa bailanysty balalardyŋ erekşe önertabystaryn kördıŋızder. Iаǧni bız jobalardy basqalardan satyp almai, öz balalarymyzdyŋ jobalaryn jüzege asyruǧa tyrysuymyz kerek. Elımızdı industriialy memleketke ainaldyru üşın ülken jobalardy özımız qabyldap, ideialarymyzdy şetel alyp ketpeitındei etıp Qazaqstanda qaldyruymyz kerek. Jastardyŋ ideiasy köp, sony osy jerde ortalyqtandyryp, nasihattau – paryzymyz. Sondyqtan būl festivalge memlekettık ūiymdardy tartyp, AMANAT tärızdı ülken partiiany qoldauǧa şaqyryp otyrmyn.
Älihannyŋ armanyn jüzege asyru üşın jastardyŋ armanyn ūştastyryp, elımızdı eŋ damyǧan elder qataryna qossaq degen müddemız bar”, – dedı ıs-şaranyŋ bas ūiymdastyruşysy, aitysker aqyn Serıkzat Düisenǧazin.
Festivaldıŋ «RoboSport» baǧyty EŪU «University sports centre» sporttyq-sauyqtyru keşenınde, «Şyǧarmaşylyq joba» baǧyty «Kültegın» atriumynda jalǧasty.
Jarystar nätijesınde «Mergen» saiysynda III oryndy Abai oblysynyŋ «Speedboost», Maŋǧystau oblysynyŋ «Nysana» jäne Astana qalasynyŋ «Jana beles» komandalary bölıstı. II oryndy Türkıstan oblysynyŋ «Qazygurt» jäne Şyǧys Qazaqstan oblysynyŋ «Future Engineers I» komandalary ielendı. Al I oryndy Pavlodar oblysynyŋ «J19» komandasy qanjyǧalap, jeŋıs tūǧyrynan körındı.
«Asyq atu» saiysynda III oryn Qostanai oblysynyŋ «NN-team», Türkıstan oblysynyŋ «Shardara» jäne Astana qalasynyŋ «Kömek» komandalaryna būiyrdy. II oryndy Jambyl oblysynyŋ «Aq sūŋqar» jäne Maŋǧystau oblysynyŋ «Future engineers» komandalary ielendı. Al I oryndy elordalyq «School №22» komandasy jeŋıp aldy.
«Arqan tartys» saiysynda III orynǧa Maŋǧystau oblysynyŋ «AKRA», Türkıstan oblysynyŋ «RoboRED» jäne Astana qalasynyŋ «Q.EDUCATION» komandalary laiyq dep tanyldy. II oryndy Abai oblysynyŋ «RoboStrond» jäne Soltüstık Qazaqstan oblysynyŋ «Alǧa» komandalary ielendı. Jüldelı I oryn Qaraǧandy oblysynyŋ «Ertemır» komandasyna būiyrdy.
«Aqsüiekte» saiysynda III oryndy Aqmola oblysynyŋ «Cech A1000» jäne Astana qalasynyŋ «Rey» komandalary özara bölıstı. II oryndy elordalyq «GameZerde» jäne «robo it» komandalary ielendı. Al I oryndy Türkıstan oblysynyŋ «Turkistan Robo prime» komandasy qanjyǧalady.
«Mädeni mūra jäne innovasiia» baǧytynda III oryn Qostanai oblysynyŋ «Semiorochka», Pavlodar oblysynyŋ «MS2 – WIN» jäne Astana qalasynyŋ «ASYQ in VR» komandasyna būiyrdy. II oryndy Şymkent qalasynyŋ «Hoziaiki» jäne Astana qalasynyŋ «SMART SÒCKET» komandalary ielendı. Būl saiysta elordalyq «Alterra» komandasy üzdık dep tanyldy.
Sonymen qatar, «Üzdık ideia» atalymy – «IT 76», «Üzdık dizain-joba» atalymy – «Örleu», «Üzdık şyǧarmaşylyq şeşım» atalymy – «Qazygurt», «Üzdık baǧdarlama» atalymy – «Fire», «Üzdık zertteu» atalymy – «Bolt» komandalaryna būiyrdy. Jeŋımpazdarǧa baǧaly syilyqtar tabystaldy.
«Festivalde daryndy jastardyŋ qabılet-qarymy men ynta-jıgerın körıp, qazırgı qoǧamdaǧy innovasiianyŋ, tereŋ bılımnıŋ qanşalyqty maŋyzdy ekenın atap ötkım keledı. Bılım men ǧylymǧa bölınetın qarjy kölemın ūlǧaitu, jas ǧalymdardy qoldau – «AMANAT» partiiasynyŋ saiasi tūǧyrnamasyndaǧy maŋyzdy baǧyttardyŋ bırı. Partiianyŋ sailaualdy baǧdarlamasy aiasynda jetekşı joǧary oqu oryndarynyŋ janynan ırı käsıporyndarmen bırlesıp ǧylymi-tehnologiialyq parkter salynady. Festivalge qatysqan jalyndy jastar aldaǧy uaqytta da IT-salasyna qyzyǧuşylyq tanytady degen senımdemın. Al bız olardyŋ äleuetın aşu üşın laiyqty jaǧdai jasauǧa küş salamyz», – dedı baiqaudyŋ marapattau saltanatyna qatysqan «AMANAT» partiiasynyŋ Hatşysy Şolpan Karinova.
Aita keteiık, būdan būlai L.N. Gumilev atyndaǧy Euraziia ūlttyq universitetı, «Daryn» respublikalyq ǧylymi-praktikalyq ortalyǧy, «Astana daryny» daryndy balalar men talantty jastardy anyqtau jäne qoldau ortalyǧy, Astana qalasy äkımdıgınıŋ №9 «Zerde» mamandandyrylǧan liseiı, «Robotek» robototehnika mektebı, «Mars robotiks» robotehnika mektebı jäne Älihan Maqsūt atyndaǧy daryndy balalardy qoldau qory bırlesıp ūiymdastyryp otyrǧan festival jyl saiyn mamyr aiynda dästürlı türde ötpek.
Al festivalge AMANAT partiiasy men partiianyŋ «Jastar ruhy» jastar qanaty tūraqty demeuşılık etetın bolady.
