Astana qalasynyŋ äkımı Jeŋıs Qasymbektıŋ qatysuymen Amanat partiiasy Astana qalalyq filialy «Halyqpen bırge!» sailaualdy baǧdarlamasynyŋ Jol kartasyn ıske asyru barysy turaly Astana qalalyq mäslihaty fraksiiasynyŋ VII jinalysy öttı.
Sailaualdy baǧdarlama negızgı 4 baǧyttan tūrady. Biyl 126 tarmaqty qūraityn Jol kartasynyŋ 117 tarmaǧy oryndalu barysynda. Al qalǧan 9-y boiynşa oryndalu merzımı bastalǧan joq.
Qazan aiynda Astana qalasy boiynşa sailaualdy baǧdarlamanyŋ oryndaluyna jürgızılgen taldauǧa säikes, 2023 jyly oryndalatyn 117 ıs-şaranyŋ 47-sı märesıne jetse, oryndau satysynda 70-ı tūr. Jeŋıs Qasymbek Jol kartasynyŋ tarmaqtary boiynşa naqty atqarylǧan jūmystardy atap öttı.
«Qūrylys jūmystarynyŋ kölemı 7,2 paiyzǧa artty. 2,9 mln şarşy metr tūrǧyn üi paidalanuǧa berıldı, būl ötken jyldyŋ säikes kezeŋımen salystyrǧanda 49 paiyzǧa artyq. Tauar ainalymy boiynşa soŋǧy bırneşe jylda Astana şaǧyn jäne orta biznestıŋ ülesı boiynşa köşbasşylyǧyn saqtap keledı. Biylǧy bırınşı jartyjyldyqta būl körsetkış 73 paiyzdy qūrady, būl ortaşa respublikalyq körsetkışten 2 esege köp. Jūmyssyzdyq deŋgeiı 4,4 paiyzdy qūrady, būl ortaşa respublikalyq deŋgeiden 4,7 paiyzǧa tömen. Jūmyspen qamtu ıs-şaralarymen 23 myŋ adam qamtyldy. 12 myŋnan astam adam jūmysqa ornalasty, onyŋ ışınde 7,5 myŋ adam tūraqty jūmys oryndaryna ie boldy. Jūmyssyzdarǧa kömek körsetu jäne olardy jūmyspen qamtuǧa järdemdesu üşın «Joltap» jobasy ıske qosyldy, onyŋ şeŋberınde «Barşaǧa qoldau» moduldık punktterı arqyly tūrǧyndar kırısterdı arttyru mümkındıkterı boiynşa keŋes ala alady. İnfraqūrylymǧa kelsek, №3 jylu-elektr ortalyǧynyŋ bırınşı kezegı men «Tūran» jäne «Oŋtüstık-Şyǧys» ekı gaz jylu stansiiasynyŋ qūrylysy aiaqtaldy, būl qosymşa 1130 Gkal jylu quatyn qamtamasyz ettı. Mausym aiynda Astana su qoimasynan qosymşa su qūbyry ıske qosyldy, būl täulıgıne 90 myŋ tekşe kölemınde qosymşa su berudı qamtamasyz ettı. Bügıngı taŋda qalada su tapşylyǧy baiqalmaidy. Avtokölık qozǧalysy turaly aitsaq, negızgı magistraldardaǧy jüktemenı azaitu üşın qazan aiynyŋ soŋynda äl-Farabi daŋǧylynan Täuelsızdık daŋǧylyna deiıngı jaŋa köpır arqyly jol aşyldy. 165 qoǧamdyq jäne aula keŋıstıgın abattandyru aiaqtaldy. Jalpy 45 jasyl aimaq qūryldy, onyŋ ışınde 2 saiabaq, 10 skver jäne 33 qoǧamdyq keŋıstık bar. Būl – qala tūrǧyndary men qonaqtaryna jaqsy tanys jerler. Qalada kezekte tūrǧan ärtürlı sanattaǧy 1,4 myŋ otbasyna, sonyŋ ışınde jetımderge, köpbalaly analarǧa, äleumettık jaǧynan ahualy tömen jäne jalǧyz tūrǧyn üiı apatty dep tanylǧandarǧa baspana berıldı. Biyl 14 jaŋa mekteptıŋ qūrylysy aiaqtalady. Onyŋ 6-uy paidalanuǧa berıldı, 8 mekteptıŋ qūrylysy jalǧasuda (jyl soŋyna deiın ıske qosu josparlanuda). Būdan basqa, «Jaily mektep» jobasy boiynşa 2025 jylǧa qarai 90 myŋ oquşyǧa arnalǧan 24 mektep salynady. Onyŋ 15-ı Esıl men Nūra audandarynda ornalasady» dedı äkım.
Amanat partiiasy Astana qalalyq filialynyŋ atqaruşy hatşysy Saqtaǧan Säduaqasov söz soŋynda sailaualdy baǧdarlamanyŋ oryndaluyn jan-jaqty baqylaudy qamtamasyz etu qajettıgın tılge tiek ettı.
«Sailaualdy baǧdarlama – strategiialyq qūjat, osy baǧdarlamamen sailauǧa tüstık. Sailauşylarymyz bızge, bızdıŋ baǧdarlamamyzǧa sendı. Mäslihattaǧy 34 orynnyŋ 29-y – bızdıŋ partiialyqtar, bızdıŋ sailauşylarymyz bızden nätije kütude, būl – partiia men bilıkke, partiia müşelerıne, basşylyq lauazymdarǧa degen senım» dedı ol.
Fraksiiada Jol kartasynyŋ oryndaluyna jasalǧan monitoring qorytyndysy talqylanyp, qaralǧan mäselelerge deputattar tarapynan ūsynystar aityldy.
