Juyrda Astana qalasy mäslihatynda jastar arasynda naşaqorlyqtyŋ aldyn alu mäselesı qaraldy. Jiyn barysynda qalalyq Jastar saiasaty mäselelerı basqarmasynyŋ basşysy Qairat Qambarov «Esirtkisiz Elorda» jastar qozǧalysynyŋ tūjyrymdamasy» atty qūjatpen tanystyrdy.
Baiandamaşy jastar arasynda esırtkıge täueldılerdıŋ statistikalyq portretın, esırtkı qylmysy boiynşa derekterdı keltırdı. Al «Esirtkisiz Elorda» tūjyrymdamasyn jüzege asyru bırneşe qadamǧa bölıngen. Sonyŋ alǧaşqysy – naşaqorlyqtyŋ aldyn alu boiynşa ştab qūru. Onyŋ qūramynda psiholog-addiktolog, internet sarapşy, basqa da osy siiaqty mamandar bolady. Ekınşı qadam – oquşylarǧa arnalǧan arnaiy oiyn elementterı bar qosymşany äzırleu. Üşınşı qadam – arnaiy studenttık ūiaşyqtardy qūru. Törtınşısı – ärtürlı äleumettık toptar üşın profilaktikalyq kontent daiyndau. Besınşı qadam – esırtkı satatyn resurstar men jarnamalardy būǧattau boiynşa jüielı jūmys jürgızu. Būl tūjyrymdama qadamdary kezeŋ-kezeŋımen ıske asyrylady. Jobanyŋ jalpy qūny – 300 mln teŋge.
Al rejisser, prodiuser Beibıtjan Müsılımov bullingtı, suisidtı, esırtkıge täueldılıktı aldyn aluǧa baǧyttalǧan «Forum-teatr» jobasyn tanystyrdy. Būl joba Braziliiadaǧy Augusto Boal qūrǧan teatr ülgısınde qūryldy. Ol körermen men akterlerdıŋ tıkelei qarym-qatynasyna mümkındık beredı.
Qalalyq mäslihat deputaty Kendebai Adambekov kün tärtıbındegı mäsele tek bas qalanyŋ ǧana emes, memlekettık, ūlttyq qauıpsızdıkke baryp tıreletın mäsele ekenın atap öttı. BŪŪ 1988 jyly esırtkıge qarsy küres konvensiiasyn bekıtkenın, sondyqtan «Esirtkisiz Elorda» tūjyrymdamasyna halyqaralyq täjıribenı qosudy ūsyndy.
– Aziiada naşaqorlyq qylmys retınde, Europada, AQŞ-ta emdeudı qajet etetın auru retınde qabyldanady, – degen deputat şetelde naşaqorlyqtyŋ aldyn alu jūmysy ärtürlı organdar men ūiymdardyŋ qatysuymen keşendı türde jüzege asyrylatynyn aitty. Basqa da deputattar pıkırlerı men ūsynystaryn jetkızdı.
Astana qalasy mäslihatynyŋ töraǧasy Erlan Kanalimov ärıptesterın qoldai kele, Jastar saiasaty mäselelerı basqarmasynyŋ ǧana küşımen būl mäselelerdı şeşu mümkın emestıgın atap öttı.
– Būl mäselemen qalada jalpy bes memlekettık organ ainalysyp otyr. Sol bes organǧa biyl esırtkıge qarsy küreske 52 million teŋge bölıngen. Būl – öte az. Ötken jyldan berı deputattar baǧdarlamany daiyndau qajettılıgı turaly aityp keledı. Aqyrynda tūjyrymdama daiyndaldy. Bıraq būl tūjyrymdamaǧa naqty keşendı jospar qajet. Ärine, deputattar «Forum-teatr» jobasyn qoldaidy. Muzykalyq jas körermen teatry, «Jastar» teatry nemese «Jastar» saraiyn alaŋ retınde paidalanuǧa bolady. Keibır deputattardyŋ oqyrmandary köp. Osy resursty paidalanu qajet. Sonymen qatar olardyŋ barlyq ūsynystary men eskertulerın eskeru kerek. Mäjılıs deputattaryn da qosu kerek. Sebebı būl – ūlttyq, memlekettık problema. Qala äkımdıgı janynda naşaqorlyqtyŋ aldyn alu jäne oǧan qarsy küres jönındegı vedomstvoaralyq komissiia jūmys ısteidı. Ony jūmysqa qosu qajet. Qazır bes jylǧa arnalǧan memlekettık baǧdarlama äzırlenıp jatyr. 2020 jylǧa deiın esırtkıge qarsy küreske baǧyttalǧan baǧdarlama boldy. Mıne, üş jylǧa ainaldy, būl baǧdarlama joq. Kelesı jyly 2029-2030 jyldarǧa deiıngı memlekettık baǧdarlama bekıtıledı. Sonyŋ aiasynda jūmys ısteu kerek. Keşendı jospardy barlyq ūsynystar men eskertulerdı eskere otyryp pysyqtap, bekıtu qajet, – dedı Erlan Kanalimov.
Astana mäslihatynyŋ zaŋdylyq, qūqyqtyq tärtıp jäne jūrtşylyqpen jūmys mäselelerı jönındegı tūraqty komissiianyŋ töraǧasy Azamat Aithojin otyrysty qorytyndylai kele, naşaqorlyqty aldyn aluǧa qatysty tiımdı baǧdarlama boluy tiıstıgın aita kele, aldaǧy jeltoqsan aiynda qalalyq Polisiia departamentınıŋ esırtkı qylmysyna qarsy ıs-qimyl basqarmasynyŋ bazasynda döŋgelek üstel mäjılısın ötkızudı ūsyndy.
