Äkımdıkte Baiqoŋyr audanynda ornalasqan «Alaş», «Şaryn», «Sapar», «Ämır» jäne «Big Şanhai» ırı bazarlardyŋ direktorlarymen jinalys öttı.
Bazar äkımşılıgıne memleketke tiesılı jer telımderınde zaŋsyz salynǧan qūrylysty bırneşe künnıŋ ışınde būzu turaly nūsqama berıldı. Jürgızılgen monitoring nätijesınde atalmyş bazarlarda zaŋsyz salynǧan sauda jäne türlı qyzmet körsetetın 159 oryn anyqtaldy. Onyŋ ışınde 26 pavilon, 14 düŋgırşek, 81 konteiner, sondai-aq kafe-ashana, qalqalar, japsarlas qūrylystar, biodärethanalar bar. Būl nysandarda örtke qarsy qauıpsızdık jäne sanitarlyq normalar saqtalmaǧan.
Būǧan qosa bazar qojaiyndary memleketke tiesılı jerde salynǧan sauda alaŋdaryn jalǧa berıp paida tapqan. Äkımdık būl zaŋsyzdyqty bırden toqtatudy jäne üş künnıŋ ışınde zaŋsyz sauda oryndaryn bazarǧa tiesılı jer telımıne köşırudı talap ettı.
Sonymen qatar qala äkımdıgı atalǧan bazarlar aumaǧynda qūrylys salu josparlaryn qarastyrdy. Qazırgı kezde avtotūraq boluy tiıs jer telımderınde sauda konteinerlerı men pavilondar qoiylǧan. Sondai-aq jiynda qalaǧa kıretın ırı joldardyŋ bırı Alaş tasjolyndaǧy kölık jüiesıne tärtıp ornatu mäselesı qaraldy. Bazarlar äkımşılıgıne ortalyq kıreberıs esıkterdı qarama-qaişy betke auystyrudy, al kölık jäne jol-kölık infraqūrylymyn damytu basqarmasyna satyp aluşylar üşın yŋǧaily kırme joldar, aialdama
