Qalalyq Jastar saiasaty mäselelerı basqarmasynyŋ qoldauymen Astanadaǧy korei etnomädeni bırlestıgı ūlttyq taǧamdar järmeŋkesın ötkızdı.
«Bır kün dämdes bolǧanmen, qyryq kün sälemdes» deitın halyq danalyǧymen ündes keletın dästür är halyqtyŋ mädenietınde bar. Onnan astam qalalyq etnomädeni ortalyqtarynyŋ jastar qanatyn jinap, as mäzırımızdı äzırlep, dämın köruge arnaiy şaqyryp otyrmyz. Mūndaǧy maqsatymyz – jastardy bır dastarqan basynda jinap qana qoimai, ädet-ǧūrypty, salt-dästürdı, mädeniettı nasihattau arqyly dostyq qarym-qatynasty qalyptastyru» deidı korei etnomädeni bırlestıgınıŋ jetekşısı Roza Pak.
– Nauryz merekesı qarsaŋynda öz halqynyŋ ūlttyq taǧam türlerın qazaq, orys, bolgar, qyrǧyz, tatar, äzerbaijan, korei, özbek, türkımen, täjık mädeni ortalyqtary da ūsyndy. Elordada türlı etnos ökılderın bırıktırıp otyrǧan 29 etnomädeni ortalyq jūmys ısteidı. Solardyŋ jūmysyn jandandyruǧa jastar qanaty da bastamaşy boluda. Bügıngı şarada är ūlttyŋ as mäzırımen tanysyp, ony qalai äzırleudı üirenudıŋ özı jastardy bır-bırıne jaqyndastyrady dep oilaimyn, – deidı «Astana jastary» ūiymynyŋ basşysy Qaiyrbolat Sahmetov.
Aigül UAISOVA
