Keşe Esıl özenınıŋ keme jüretın uchaskesınde onynşy navigasiia saltanatty türde aşyldy dep habarlady elorda äkımdıgınıŋ resmi saity.
Seruenge arnalǧan kemenıŋ alǧaşqy jolauşylary dästür boiynşa «Nūrly jürek» äleumettık qyzmet körsetu ortalyǧynyŋ tärbielenuşılerı boldy. Resmi bölımnen keiın mümkındıgı şekteulı balalar teplohodpen tegın qydyryp keldı.
«Esıl-Astana» MKQK direktory Qanat Alin biyl astanalyqtar men qala meimandaryn özende seruendetu üşın alty jolauşy kemesı jüzetın bolady dep mälım ettı.
«Dästürlı navigasiia kezınde astana tūrǧyndary men qonaqtary su kölıgınıŋ qyzmetın paidalana alady. 2009 jyly bızde bar bolǧany 5 keme bolsa, bügınde olardyŋ sany 14-ke jettı, onyŋ 6 kemesı jolauşylarǧa qyzmet etedı. Olardyŋ jalpy syiymdylyǧy 265 oryndy qūraidy» dep atap öttı mekeme basşysy.
Aita keteiık, Amfiteatr audanyndaǧy jaiau jürgınşıler köpırın salu boiynşa jürgızılıp jatqan qūrylys-montaj jūmystaryna bailanysty, Astana äkımdıgı uaqytşa qozǧalys baǧdaryn bekıttı: otyrǧyzu Kenesary eskertkışınen tömende ornalasqan rotondadan – su retteitın plotina – Amfiteatr – Kenesary eskertkışınen tömen ornalasqan rotondaǧa özgertıldı.
Marşruttyŋ ūzaqtyǧy – 3 km, al uaqyty – 25-30 minut. Özende saiahattaudyŋ ekskursiialyq-qydyru qyzmetınıŋ baǧasy eresekter üşın – 500 teŋge, balalar üşın – 250 teŋge.
Köpır qūrylysy jöndelgennen keiın «Astana-Esıl» qaitadan būrynǧy bekıtılgen marşrut boiynşa Kenesary eskertkışınen Aqordaǧa deiın qaşyqtyǧy 18,8 şaqyrymǧa jolauşylar tasymaldaidy. Ol kezde qyzmet körsetu ülkenderge – 1000 teŋge, balalarǧa 500 teŋge bolmaq.
Esıl özenındegı keme jüzu mausymy 31 qazanǧa deiın jalǧasady.
