15 säuir – ǧaşyqtar küni. «Qozy Körpeş – Baian sūlu küni» dep atalatyn būl mereke elimizde soŋǧy on jyldan beri beiresmi türde toilanyp keledi. Būl kündi Astana jastary da jatsynǧan joq.
Biyl ǧaşyqtar küni elordamyzda erekşe yqylaspen atalyp ötpek. Oǧan S.Seifullin atyndaǧy Qazaq agrotehnikalyq universiteti mūryndyq bolǧaly otyr.
14 säuir küni keşki saǧat 20.00-de atalǧan universitet ǧimaratynyŋ aldyndaǧy saiabaqta «Aqsüiek» oiyny ötedi. On-lain jüiesi arqyly is-şaradan aimaqtarǧa şūǧyl habar taratylyp otyrady.
«Aqsüiek» – qazaqtyŋ ūlttyq oiyny. Birin-biri saǧynysqan ǧaşyqtar osy oiyn barysynda qauyşatyn bolady.
Ūlttyq dästürge säikes, Agrarlyq universitet alaŋynda ötetin «Aqsüiek» oiynynan keiin de ǧaşyqtar bir-birine söz aitysyp, mahabbat küiin oinatady. Al oqu ordasynda qyzmet etip jürip, bas qosyp, şaŋyraq kötergen erli-zaiyptylar öz ömir joldarynan syr şertip, jastarǧa önegeli äŋgimesin aitady.
«Aqsüiekke» elordamyzdaǧy barlyq joǧary oqu oryndarynan kelgen 55 jūp qatysady dep kütilude. Būl küni süiispenşilik, mahabbat üstemdik etetin bolady.
Sezimnen şuaq şaşar şattyq keşinen Siz de qūr qalmaǧaisyz!
Näzira SAILAUQYZY
