İndoneziianyŋ Jakarta jäne Palembang qalalarynda ötıp jatqan Aziia oiyndarynda el qorjynyna tüsken jüldeler sany 33-ke jettı. Aziadada Qazaqstan komandasynyŋ enşısınde – 3 altyn, 7 kümıs jäne 23 qola medal. Jülde sany aitarlyqtai bolǧanymen, komandalyq esepte älı de ondyqtan oiyp tūryp oryn ala almai jatyrmyz.
22 tamyz künı el qorjynyna grek-rim küresınen üş baluan olja saldy. Asa auyr salmaqta Nūrmahan Tınäliev finalda özbek baluanynan jeŋılıp, kümıs jüldeger atandy. 97 kg salmaqta Erūlan Ysqaqov qola jülde üşın aiqasta irandyqtan basym tüstı. Al 87 kg tartatyn Azamat Qūstybaev jūbanyş beldesude qyrǧyzdy jeŋdı.
23 tamyz, besınşı kün
Ädılbek Musin – qola jüldeger. Ol 50 metrge batterfliai ädısımen jüzuden jüldeger atandy. Körsetkışı – 23,73. Būl – osy qaşyqtyqtaǧy Qazaqstannyŋ rekordy.
Erasyl Qaiyrbek – qola jüldeger. Taekvondodan 68 kg salmaqta kezektı jülde tüstı. Erasyl jartylai finalda koreialyqqa jol berıp, qolany qanaǧat tūtty.
Mariia Dmitrienko – qola jüldeger. Ol stend atudan «Dubl-trap» baǧdarlamasy boiynşa 125 ūpai jinap, üzdık üştıkke endı.
Aleksei Lusenko – altyn jüldeger. El qorjynyna köp küttırgen ekınşı altyn velosporttan tüstı. Aleksei toptyq jarysta 150 şaqyrymdy 3:25:25 uaqyt körsetkışımen baǧyndyryp, chempion atandy.
Aleksandr Opachanova – qola jüldeger. Ol Palembangta ötken akademiialyq esuden Qytai jäne Taipei sportşylarynan keiın märege üşınşı bolyp keldı.
24 tamyz, altynşy kün
Anna Danilina men Gozal Ainitdinova jūby – qola jüldeger. Jūptasyp synǧa tüsken olar jartylai finalda Taipei sportşylarynan 2:0 esebımen ūtylyp qaldy. Söitıp qola medal būiyrdy. Būl – qazaqstandyq tennisşılerdıŋ Aziia oiyndaryndaǧy alǧaşqy jüldesı.
Denis Evseev pen Aleksandr Bublik jūby – kümıs jüldeger. Jetınşı kümıstı jūptasyp öner körsetken tennisşılerımız aldy. Olar finalda Ündıstan komandasyna ese jıberdı.
Aleksei Lusenko – ekı dürkın altyn jüldeger. Bır kün būryn altynnan alqa taqqan būl otandasymyz velosporttyŋ jekelei synynda öz myqtylyǧyn taǧy bır däleldedı. Ol 40 şaqyrymdy 55:37:13 uaqyt körsetkışımen bırınşı bolyp baǧyndyryp, būl Aziadada ekınşı ret chempion atandy.
Dmitrii Balandin – qola jüldeger. Rio Olimpiadasynyŋ chempiony būl bäsekede ekınşı qolasyn 50 metrge brass ädısımen jüzıp aldy. Al onyŋ oŋ jambasyna keletın 200 metrge jüzuge jaraqatyna bailanysty qatyspaidy.
Anna Danilina men Aleksandr Nedovesov jūby – qola jüldeger. Būl jūp jartylai finalda Tailand qūramasynan jeŋıldı. Söitıp Qazaqstan tennisşılerı Aziadany bır kümıs, ekı qola jüldemen aiaqtady.
Nūrjan Seiduäli – qola jüldeger. Djiu-djitsudan 56 kg salmaqta synǧa tüsken sportşymyz özbek Akmal Amirovtı jeŋıp, qolaǧa qol jetkızdı.
Nartai Qajekov – qola jüldeger. Djiu-djitsudan kelesı qolany ielengen otandasymyz 69 kg salmaqta baq synap, soŋǧy kezdesuınde Türkımenstan ökılın ūtty.
Daiyndaǧan Orynbek ÖTEMŪRAT
Derekközı – olimpic.kz
