15 qyrküiekten bastap Astanada foto jäne video baqylaumen jabdyqtalǧan «Sergek» sertifikattalǧan qūraly qala köşelerındegı jol qozǧalysy erejesın būzuşylyqtardy tırkei bastady.
Astana qalasy Işkı ıster departamentınıŋ mälımetterı boiynşa, jolda jüru erejesın saqtamaudyŋ kelesı türı tırkeledı:
Eŋ bırınşı, QR ÄQK-nıŋ 592-baby boiynşa jyldamdyqty arttyrǧany üşın aiyppūl türınde äkımşılık jazalau qarastyrylǧan: 10-20 km/s üşın (10 AEK – 22 690 teŋge); 20-40 km/s (15 AEK – 34 035 teŋge); 40 km/s joǧary (30 AEK– 68 070 teŋge).
Ekınşıden, qoǧamdyq kölıkterdıŋ qozǧalysy üşın bölıngen jolmen jürseŋız, (Bus Lane) sondai-aq, stop-jelısın basyp toqtatsaŋyz nemese asyp ketseŋız, QR ÄQK-nıŋ 601-baby boiynşa 3 AEK mölşerınde (6 807 teŋge) aiyppūl töleisız.
Onymen bırge balalar qauıpsızdıgı boiynşa auqymdy jūmys jürgızılude: bılım mekemelerı men baqşalarǧa jaqyn jerde saǧatyna 40 şaqyrymmen jüru rūqsat etıledı, jyldamdyqty odan arttyruǧa bolmaidy. Jyldamdyqty arttyrmau turaly arnaiy qalqan jäne tiıstı jol belgılerı ornatylǧan. Būl uchaskeler foto jäne video baqylaumen jabdyqtalǧan «Sergek» sertifikattalǧan qūralynyŋ baqylauyna alynǧan.
