«Sergek» sergektıkke üiretıp jatyr ma?
Astana qalasynda 15 qyrküiekten bastap «Sergek» beine-foto tırkeu jüiesı jol erejesın būzǧan jürgızuşılerdı resmi tırkep, äkımşılık jauapkerşılıkke tarta bastaǧany belgılı. Osyǧan bailanysty jaŋa qūrylǧylardy qala köşelerıne köptep ornatu maqsaty men onyŋ jūmys ısteu täsılderıne degen jūrtşylyqtyŋ alaŋdauşylyǧy köbeidı.
Rasynda da, köpşılıktı qobaljytyp otyrǧan zamanaui apparattardyŋ qandai erekşelıgı bar? Jolda jüru tärtıbın saqtamai, «mült ketkenderge» salynatyn äkımşılık aiyppūl olardyŋ qaltalaryna qandai salmaq tüsırmek? Ony jeŋıldıkpen tezdetıp töleudıŋ mümkındıkterı bar ma? Osy jäne basqa da mäseleler töŋıregınde bızdıŋ tılşımız salaǧa qatysty mamandardyŋ pıkırlerın zerttegen edı.
Bastysy –qauıpsızdıktı qamtamasyz etu
Ärine, kamera qala tūrǧyndaryna taŋsyq emes. Qazır kez kelgen aulada, zäulım üilerdıŋ kıreberısterı men ärbır ǧimaratta beinebaqylau bar desek, qatelespeimız. Olardyŋ paidasyn da joqqa şyǧaruǧa bolmaidy. Ötken jyly B.Mailin köşesı boiyndaǧy bır üidıŋ aulasynda tūrǧan su jaŋa avtokölıktıŋ jetı tünde terezesın syndyryp, ışınde ūmyt qalǧan sömkenı alyp ketken ūryny saqşylar kameranyŋ kömegımen op-oŋai tauyp aldy.
2015 jyly qalanyŋ ırı-ırı köşelerıne 35 «Vokord», 25 «Vokord-Siklop», 10 «Vokord-Traffik» apparaty ornatyldy. Äsırese, «Vokord-Siklop» qondyrǧysy turaly jaqsy pıkır aitylǧanyn da ūmyta qoiǧan joqpyz. Alaida keiın olardyŋ jūmys ısteu mümkındıkterın de, odan qalai «sytylyp ketudıŋ» joldaryn da astanalyqtar «jaqsy meŋgerıp aldy».
Al «Körkemtelekom» jauapkerşılıgı şekteulı serıktestıgı jasap şyǧarǧan «Sergektıŋ» jönı bölek. Ol jol erejesın būzsaŋyz, «ün-tünsız» jazyp alady da, maşinaŋyzdyŋ nömırın, uaqytyn, özıŋızdıŋ qimyl-qozǧalysyŋyzdy avtomatty türde ortalyqqa beredı.
Astana qalasy İnvestisiialar jäne damu basqarmasynyŋ basşysy Älışer Äbdıqadyrovtyŋ aituynşa, bügıngı taŋda qalada üş myŋǧa tarta osyndai kamera qoiylǧan. Olar künı-tünı jūmys ısteitın körınedı. Jyldyŋ aiaǧyna deiın taǧy da adamdar köp jüretın jerler men köşe qiylystaryna, qalanyŋ jelılık uchaskelerıne tört myŋ kamera men alty myŋ «Sergek» beine-foto apparatyn qoiu mümkındıkterı qarastyryluda.
Atalǧan jüienıŋ negızgı maqsaty – jyldamdyqty arttyrǧan, qoǧamdyq kölık jüretın jolaqpen jürgen jäne toqtau syzyǧynan asyp ketken jol erejesın būzuşylardy qalt jıbermei tırkep otyru. Al odan ärı olarmen qalai jūmys jürmek?
Äkımdık qyzmetkerınıŋ tüsındıruınşe, kameranyŋ «qyraǧy közıne» ılıkken kölık
jürgızuşılerıne bırden äkımşılık hattama toltyrylmaidy eken. Tek ökılettı organ asyqpai teksergennen keiın ǧana kelıp tüsken qūjattar negızınde ūiǧarym şyǧarylady.
Būl jerde bırneşe mäsele bar. Jasyratyny joq, qala köşelerınde keptelıs jiı bolyp tūrady. Jobany jasauşylar mūndai jaǧdaidy da eskeretını sözsız.
«Keptelıs bola qalǧanda nemese baǧdarşam ısten şyqqanda, jol qiylysyna kölık qozǧalysyn retteitın inspektorlar keledı. Al inspektor joq köşelerde bolǧan ereje būzuşylyqtardy kamera taldau ortalyǧyna jıbergennen keiın mamandar ony bırneşe qaitara süzgıden ötkızedı. Eger qoǧamdyq kölık jolaǧyna tüsıp ketu nemese toqtau syzyǧyn basu osy keptelıs kezınde bolsa, onda ol eskerıledı, aiyppūl salynbaidy. Alaida «Stop» syzyǧyn aldy keptelıs ekenın köre tūra qasaqana basatyndar men baǧdarşamnyŋ qyzyl belgısı janǧanyna qaramastan, jol qiylysyna şyǧyp ketetınderge būl eskertudıŋ qatysy joq.
Taǧy bır eskeretın jai, ereje saqtamaǧany üşın salynatyn aiyppūl kölıktıŋ tehnikalyq tölqūjaty boiynşa belgılenedı. Eger kölıgıŋızdı senımhat boiynşa basqa bıreu jürgızıp jürse, onyŋ barlyq aiyppūldary bırden kölık iesınıŋ mekenjaiyna keletın bolady.
Sondai-aq, beinekameraǧa tüsken avtomobildıŋ memlekettık nömırı, tüsı nemese markasy säikespese, arnauly karta toltyrylyp, jol polisiiasy inspektory ony qaiyra naqty tekseretın bolady. Sosyn baryp ūiǧarym şyǧarylyp, ol «Qazpoşta» arqyly kölıktıŋ tehnikalyq qūjatynda körsetılgen mekenjaiǧa jıberıledı.
Jol polisiiasy inspektorynyŋ qoly qoiylǧan ūiǧarym alǧan kölık iesı aiyppūldy ekınşı deŋgeilı bankıler arqyly da, «Qazpoşta» bölımşelerıne baryp ta, tölem terminaldaryndaǧy «Kaspi» nemese «QIWI» ämiiandary arqyly tölei alady. Egov.kz, HandyPay, MyPay mobildı qosymşalary arqyly töleu ärı tez, ärı jeŋıl» deidı joba avtorlary.
Mūnyŋ barlyǧy erıkkennıŋ ermegı emes. Jol qauıpsızdıgın qadaǧalaudy küşeitu maqsatynda tuyndap otyrǧan ıs-şaralar. Saraptamakörsetıp otyrǧandai, jol-kölık oqiǧalarynyŋ seksen paiyzy jyldamdyqty şamadan tys kötergennen bolady eken. Būǧan qosa, qala köşelerınde «jol menıkı» degendei köpe-körneu jol erejesın būzyp, köpşılıktıŋ aşu-yzasyn tuǧyzatyn jürgızuşıler köbeiıp kettı.
Osyndai keleŋsızdıkke tosqauyl qoiu baǧytynda «Sergek» foto-beine jüiesı engızılıp otyr. Al onyŋ qalai jūmys ısteitının uaqyt körsetedı.
Jyldamdyqty arttyrǧanǧa keşırım joq
Bır aida elordada bolǧan jüz jiyrmaǧa tarta jol-kölık oqiǧasynyŋ teŋ jartysynan astamy jyldamdyqty şamadan tys arttyrǧannan bolǧan. Ä.Moldaǧūlova köşesı men Jeŋıs daŋǧylynyŋ qiylysynda soǧylǧan ekı maşinadan tört adam zardap şektı. Sebep – saǧatyna jüz şaqyrym jyldamdyqpen qūiǧytu. Mūndai mysaldardy köptep keltıre beruge bolady. Osyndai oqiǧalardyŋ aldyn alu üşın Äset Ahmetov bastaǧan ūjym toǧyz milliard teŋgenıŋ jobasyn jasap, äkımdıkke ūsyndy. Äkımdıktıŋ de öz talaby boldy. «Bız sızderge apparattyŋ ornatylatyn jerlerı men mälımetter bazasyn jabdyqtauǧa kömektesemız. Al sender investor tauyp, jobany jüzege asyrudy qolǧa alasyŋdar. Synaq merzımı – alty jyl tört ai. Osy uaqyt aralyǧynda apparattar ısten şyǧyp nemese belgılengen talaptarǧa sai kelmese, kelısımşart küşın joiady» degen mämıle jasaldy.
Söitıp, jyl basynan berı «Sergekke» täjıribe jürgızıle bastady. Kamera qala tırşılıgıne qatysty aqparattardy tügel jazyp otyrady. Äsırese, erteŋgılık keptelıs kezınde qalada qanşa
kölık bar ekenın osy beine-baqylau arqyly naqtylauǧa qol jettı. Sonyŋ nätijesınde elordada ötken segız aida 174 qylmystyŋ betı aşylyp, 33 myŋ adam ereje būzǧany üşın äkımşılık jauapkerşılıkke tartyldy. Qylmys deŋgeiı 32 paiyzǧa azaiyp, jol-kölık oqiǧasy 20 paiyzǧa kemıgen.
«Jaqynda özım tūratyn mekenjaiǧa jol polisiiasynan habarlama keldı. Täuelsızdık köşesı boiyndaǧy «Sergek» beine-baqylau kamerasyna ılıgıp qalyppyn. Kınäm – qauıpsızdık beldıgın taqpai, ūialy telefonmen söilesıp kele jatqanym eken. Maşinamnyŋ nömırı men tüsıne deiın taiǧa taŋba basqandai anyq körınıp tūr» deidı qala syrtyndaǧy arnauly halyqqa qyzmet körsetu ortalyǧyndaǧy aiyppūl töleuşı jürgızuşılerdıŋ bırı. Mūnda aiyppūl töleuge kelıp jürgenderdıŋ köbı jyldamdyqty arttyrǧandar bolyp şyqty.
– Dūrys, olai bolatyn sebebı – qatty jürıp, «Sergekke» jazylyp qalǧan mälımetterdı jol polisiiasy inspektorlary tergep, tekserıp jatpaidy. Olar avtomatty türde aiyppūl töleuge ketedı.
«Sergek» foto-beine apparaty ıske qosylǧan on künnıŋ ışınde qala köşelerınde jol qozǧalysy erejesın būzu 2,3 paiyzǧa azaisa, kerısınşe, joldan ötu tärtıbın saqtamaǧan otyz alty jaiau jürgınşıge 11345 teŋgeden aiyppūl salyndy
Sondyqtan jyldamdyqty arttyrǧandarǧa keşırım bolmaitynyn jürgızuşıler tüsınu kerek, – deidı jol polisiiasy inspektory Ermek Sündetov.
Qaladaǧy sary tüstı nemese sūr tüstı tırkeu kameralaryna qaraǧanda «Sergektıŋ «qamtu aumaǧy ülken. Ekı köşedegı baǧdarşamnyŋ aralyǧynda ornatylǧan apparat sol joldyŋ boiyn tügel qamtidy eken.
Kamera köbeidı, polisiia jūmysy jeŋıldedı me?
Būǧan deiın elordada alty myŋǧa tarta jyldamdyq ölşeuış qūraly bolsa, endı tört jüz köşe qiylysy men jol qaptaldarynda tört myŋǧa tarta özımızdıŋ otandyq önımımız «Sergek» foto-beine apparaty ornatyldy. Olardyŋ sanyn jyl aiaǧyna deiın 13000-ǧa jetkızu közdelude.
Osydan keiın jol polisiiasy qyzmetkerlerınıŋ jūmysy jeŋıldeidı me? Jaŋa qondyrǧy olarǧa qandai mümkındıkter tuǧyzyp otyr? Bız osy saualdardy Astana qalasy Işkı ıster departamentı äkımşılık basqarmasynyŋ bölım bastyǧy Timur Qazybaevqa qoidyq.
– Barşaǧa belgılı, elımızdıŋ bas qalasynda kölık sany jyldan-jylǧa ösıp keledı. Onyŋ üstıne, syrttan keletın tranzit avtomaşinalar bar. Osynyŋ barlyǧy jol qozǧalysyna edäuır qiyndyqtar keltırude. Mıne, osy jaisyzdyqtardy azaitu, eŋ bastysy, qauıpsızdıktı qamtamasyz etu maqsatynda basşylyq köşelerdegı kölık qozǧalysyn baqylaudy küşeitıp keledı. Jyldan-jylǧa zamanaui qondyrǧylardy jetıldıre tüsudemız. Biyl jyl basynan berı osy «Sergek» foto-beine jyldamdyq ölşeu apparattary ornatyla bastady. Nätije bar. Mäselen, atalǧan qondyrǧy ıske qosylǧaly jürgızuşılerdıŋ jolda jüru tärtıbı tüzele bastady. Jyldamdyqty arttyru, belgılengen toqtau syzyǧyn basyp ötu, baǧdarşamǧa baǧynbau siiaqty ereje būzuşylyqtar keiıngı üş aida 6-7 paiyzǧa deiın tömendedı.
Al endı «Jol polisiiasynyŋ jūmysy jeŋıldedı me?» degen saualǧa keler bolsaq, būl jerde «taiaqtyŋ ekı ūşy bar». Jaŋa qondyrǧylar köpşılıkke psihologiialyq ahual tuǧyzyp, künı-tünı baqylap tūruǧa jaqsy. Būl jaǧynan alǧanda, jol polisiiasynyŋ jūmysy jeŋıldedı dep aituǧa bolady.
Degenmen qai uaqytta da adam faktory bırınşı orynǧa şyǧatyny sözsız. Sol qadaǧalau apparattarynan prosessingılık ortalyqqa kelıp tüsken mälımetterdı taldap, zertteu – jol polisiiasy qyzmetkerlerınıŋ moinynda. Būl jerdegı mäsele adamdardy jazalau emes. Tärtıp būzuşylyqtyŋ aldyn alu. Osy tūrǧydan barlyq materialdar elep, ekşelıp, tek jol erejesın öreskel būzǧandarǧa nemese bır qatelıktı bırneşe ret qaitalaǧandarǧa ǧana ūiǧarym şyǧarylyp, aiyppūl töleuge jıberıledı.
Osynyŋ barlyǧy – auqymdy da auyr jūmys. Al ony qalalyq jol polisiiasy qyzmetkerlerı kün saiyn öz därejesınde atqaryp keledı, – dedı ol.
«Jol mūraty – jetu». Olai bolsa, mejelı jerıŋızge uaqytynda, aman-esen jetu üşın jol erejesın qataŋ saqtap, jolda abai bolyŋyzdar degımız keledı.
Taŋatar TÖLEUǦALİEV