Jaŋa jyl qarsaŋynda Astana äkımı Äset İsekeşevtıŋ atynan jaŋa jyldyq şyrşa ūiymdastyryldy. Oquşylar saraiynda ötkızılgen şattyqqa toly şyrşa toiyna elordalyq 300-den astam bala qatysty. Oqu ozattary, jetım balalar, az qamtylǧan otbasylardyŋ balalary men erekşe qajettılıgı bar büldırşınder şaqyrylǧan erekşe keşke elorda äkımınıŋ orynbasary Ermek Amanşaev qatysyp, balalardy qūttyqtady.
– Ötken jylǧa ökpe joq. Būl jyly EKSPO halyqaralyq körmesı Astanamyzda dürkırep öttı. Aldaǧy jyldan da küterımız köp. Bas qalamyzdyŋ 20 jyldyǧyn qarsy alǧaly otyrmyz. Jaŋa jylda barlyǧyŋyzdyŋ armandaryŋyz oryndalsyn! Ärbırımızdıŋ üiımızde jaŋa jyldyq ǧajaiyptar oryn alsyn! Oquda ozat bolyp, elımızdıŋ erteŋı dep sener bılımdı azamat bolyŋyzdar! – dedı Ermek Ämırhanūly.
İnteraktivtı şou-qoiylymǧa balalar da aralasyp, barynşa atsalysty. Özderınıŋ süiıktı ertegılerınıŋ keiıpkerlerımen qol ūstasyp, şyrşany bırge ainalǧan oquşylarǧa tosyn syilar jasaldy.
«Barlyq oquşylardy kele jatqan Jaŋa jyl merekesımen qūttyqtaǧym keledı. Bızdıŋ balalarymyz oquda ozat, bılımdı ekendıkterın jyl saiyn däleldep kele jatyr. Biyl da 11 jyl qatarynan respublika boiynşa bırınşı orynǧa taban tıredık. Barlyq balalardyŋ ömırı quanyşqa toly bolyp, baqytty ǧūmyr keşuıne tılektespın!» degen qalalyq Bılım basqarmasynyŋ basşysy Änuar Janǧozin balalardyŋ biylǧy jetıstıkterın saralap, keler jyly odan da ülken jetıstıkter kütetının jetkızdı.
Muzykalyq qoiylym retınde ūsynylǧan şarada balalar ännen şaşu şaşyp, bi biledı. Mereke soŋy «EKSPO-2017» körmesı aumaǧynda ornalasqan «Nūr Älem» sferasyndaǧy ekskursiiamen jalǧasty.
Güljan RAHMAN
