QR Prezidentı keşe Aqordada jurnalistermen jüzdesıp, sailaudyŋ joǧary deŋgeide, aşyq jäne ädıl ötkenın mälımdedı. Ol sailau qorytyndylary jariia bolǧanda asqan sabyrlyq tanytqanyn jetkızdı. «Būl sailauǧa 1000-nan asa halyqaralyq baqylauşy, 350-ge juyq jurnalist baqylau jasady. Onyŋ ädıl bolǧanyn barlyq ümıtkerlerge teŋ därejede mümkındık berılgenınen köremız. Özınıŋ dauysyn berıp, menı qoldaǧan barşa qazaqstandyqtarǧa alǧys aitamyn! Özıme berılgen halyqtyŋ senımın aldaǧy 5 jylda tolyq aqtauǧa uäde etemın» dedı Q.Toqaev.
Memleket basşysy jurnalisterdıŋ özıne qoiǧan aluan türlı saualdaryna sabyrmen, tolyqqandy jauap berdı. Sailau künı elordada jäne Almatyda ötken qarsylyq aksiialary «keibır azamattardyŋ ömırıne qauıp töndırgenın» jetkızdı. «Almaty men elordada bırqatar azamattar özınıŋ közqarasyn bıldıru üşın köşege şyqty. Zaŋ tūrǧysynan alsaq, Bas prokuraturanyŋ eskertulerıne qaramastan, būl äreket zaŋsyz dep tabyluy mümkın. Elımızde är adamnyŋ özınıŋ oiyn, közqarasyn erıktı türde bıldıruge mümkındık berılgen. Alaida keibır azamattar özderın laiyqsyz jaǧynan körsetıp, polisiia qyzmetkerlerın arandatty. Ökınışke qarai, olar syrttan kelgen aqparatty paidalanyp, zaŋsyz äreketterge bardy. Sol arqyly özge azamattardyŋ qauıpsızdıgıne nūqsan keltırdı» dep tüsındırdı. Prezident qūqyq qorǧau organdarynyŋ asqan sabyrlylyq tanytqanyn, alda da solai bolatynyn qadap aitty.
Qasym-Jomart Kemelūly qarsylyq köŋıl küidegı adamdarmen dialog ornatu oiy baryn jetkızdı. Būl qadam qoǧamdyq senım komitetı atty jaŋa qūrylymnyŋ kömegımen jüzege asyrylmaq. «Ärine, qoǧamda aluan türlı pıkır boluy tiıs, bıraq bızdıŋ bır ǧana ūltymyz bar» dep tüiındedı.
Sonymen qatar, tılşıler Ükımettıŋ otstavkasy, Parlamenttıŋ jaŋa sailauy jönınde de sūraqtaryn jaudyrdy. Alǧaşqy saualǧa Q.Toqaev: «El Ükımetı otstavkaǧa ketpeidı, bıraq bırqatar auys-tüiıster jasaimyz. Bilıkke jaŋa adamdardy, sonyŋ ışınde jastar ökılderın tartamyz. Bızge bılıktı mamandar kerek» dedı. Parlament sailauyna qatysty saualǧa: «Būl sūraqqa jauap beruge daiyn emespın. Ondai sailauǧa älı erterek» dep qysqa qaiyrdy.
Memleket basşysy Prezidenttıŋ ūlyqtau räsımı 2019 jyldyŋ 12 mausymynda ötetının habarlady. «Eger osy kezge deiın Ortalyq sailau komissiiasy barlyq zaŋǧa säikes räsımderdı atqaryp ülgeretın bolsa, 12 mausymda ötkızemız. 13-14 mausym künderı men halyqaralyq sammitterge baramyn. Sol kezde tolyqqandy Qazaqstan Respublikasynyŋ Prezidentı bolyp otyrǧanym dūrys şyǧar» dep äzıldedı Prezident.
Ol sondai-aq aldaǧy uaqytta jūmysty neden bastaitynyn, qandai närselerge eŋ aldymen köŋıl böletının äŋgımelep berdı. Qazırgı kezde ūzyn-sonar sözdıŋ emes, naqty ıske köşetın kezeŋ ekenın şegelep aitty. «Bızge naqty ısterge, şeşımderge kırısetın uaqyt keldı. Halyq sony kütıp otyr. Öitkenı jūrt ūzyn-sonar baiandamalardan, qūrǧaq uädelerden şarşady. Sol sebepten men Prezident retınde eŋ aldymen osy äreketke köşemın. Elımızde älı künge deiın tüiını şeşılmegen qanşama mäsele bar. Sızder de ony jaqsy bılesızder. Medisinanyŋ sapasy, tömen jalaqy, ekologiia, auyz sumen qamtamasyz etu siiaqty asa maŋyzdy mäselelerdı şeşumen ainalysamyn» dep sözın tüiındedı Prezident.
