Ortalyq kommunikasiialar qyzmetı alaŋynda «Nūrsūltan Nazarbaev: jahandyq auqymdaǧy saiasatker» degen taqyryppen halyqaralyq konferensiia öttı. Konferensiiada Tūŋǧyş Prezident – Elbasy Nūrsūltan Nazarbaevtyŋ täuelsız Qazaqstan memleketınıŋ negızın qalauşy retındegı rölı men halyqaralyq bastamalary jaiynda söz boldy. Jiynǧa otandyq memleket jäne qoǧam qairatkerlerı, älemdık deŋgeidegı belgılı saiasatkerler qatysty.
Konferensiiada söz söilegen Senat töraǧasy Mäulen Äşımbaev Nūrsūltan Nazarbaevtyŋ memleket qalyptastyru ısındegı maŋyzdy şeşımderıne nazar audardy. Sondai-aq ol täuelsızdıktıŋ alǧaşqy jyldarynda eldegı ışkı ahualdyŋ kürdelı bolǧanyn, Elbasy sol tyǧyryqtan şyǧar joldy tauyp qana qoimai, özıne jüktelgen tarihi missiiany artyǧymen oryndaǧanyn atap öttı. «Elbasy täuelsız Qazaqstan memleketın qūryp, egemendıktıŋ eŋ basty tūǧyrlaryn tas-tüiın bekıtıp berdı. Eŋ aldymen, şekaradai kürdelı mäsele kemeŋgerlıkpen şeşılıp, halyqaralyq qūjattarmen bırjola şegendeldı. Şekara mäselesı tüpkılıktı şeşılmese memlekettıŋ täuelsızdıgı baiansyz, bolaşaǧy būlyŋǧyr bolady. Ony bügınde bärımız körıp otyrmyz. Sondyqtan Nūrsūltan Äbışūly būl ıste dau-damaiǧa emes, saliqaly diplomatiiaǧa arqa süiedı» dedı Mäulen Äşımbaev.
Sondai-aq Senat töraǧasy Elbasynyŋ memlekettık basqaru instituttaryn qalyptastyru jolyndaǧy erık-jıgerıne toqtaldy. «El damuyna tyŋ serpın bergen Ata Zaŋymyz – Konstitusiiamyz qabyldandy. Soǧan säikes, bilık tarmaqtary qalyptasyp, qos palataly käsıbi Parlament, Ükımet, täuelsız sot jüiesı qūryldy. Jergılıktı äkımdıkterdıŋ jūmysy jolǧa qoiyldy. Sol arqyly memlekettık basqaru instituttary jüielenıp, ärqaisysynyŋ maqsat-mındetterı naqtylandy» degen Senat töraǧasy Tūŋǧyş Prezidentımızdıŋ qajyr-qairatynyŋ arqasynda Qaruly Küşterımız qūrylǧanyn, ekonomika salasynda keşendı reformalar ıske asyrylyp, asa maŋyzdy jäne tarihi şeşımder qabyldanǧanyn aitty.
Elbasynyŋ kemeŋger şeşımderınıŋ bırı astanany Arqa tösıne köşıru ekenı sözsız. Sol kezdegı ekonomikalyq qiyndyqtarǧa qaramastan qabyldanǧan būl şeşım naǧyz strategiialyq qadam boldy. Mäulen Äşımbaev būl batyl şeşımdı täuelsızdıktıŋ bır tūǧyry dep atady. «Nūrsūltan Nazarbaev astanany köşıru arqyly qazaqtyŋ jaŋa zamandaǧy ūly köşın bastap berdı. Rasymen, elordanyŋ ösıp-örkendeuı tūtas Qazaqstannyŋ damuyna daŋǧyl jol aşty. Otanymyzdyŋ abyroiyn asqaqtatyp, bedelın ösırdı, bükıl qazaqstandyqtardy jaŋa maqsat-mūrattarǧa jeteledı. Bügınde elordamyz elımızdıŋ jüregı, täuelsızdıgımızdıŋ tıregı, memlekettık damudyŋ naǧyz temırqazyǧyna ainaldy» dedı ol.
Sondai-aq ol Elbasynyŋ Türkıstan oblysyn qūryp, Türkıstan şaharyna jaŋa märtebe beru turaly şeşımnıŋ maŋyzy zor ekenın aitty. «Tarihty tarlan tūlǧalar jasaidy» degen söz bar. Şyn mänınde, Elbasynyŋ eldık müdde jolynda qabyldaǧan är şeşımı ūlt tarihynyŋ jaŋa tarauy bolyp jazylady. Solardyŋ ışınde Türkıstanǧa qatysty şeşımnıŋ orny bölek. Türkıstandy tületu – ötkennen önege ala otyryp, kemel keleşekke ūmtyludyŋ ozyq ülgısı» dei kele, Mäulen Äşımbaev osy joldaǧy «Mädeni mūra», «Ruhani jaŋǧyru» baǧdarlamalarynyŋ da airyqşa mänge ie ekenın söz ettı.
«Tarihtan taǧylym alu keiın şegınu emes, ol – ūlttyq kodty saqtaudyŋ jarqyn körınısı. Rasynda, ūlttyq kodsyz memleket bolmaidy. Sol sebeptı, būl salada Elbasy ūlttyq tūtastyqtyŋ kepılı retınde batyl şeşımder qabyldaudan qaimyqqan joq» dedı Senat töraǧasy. Mäulen Äşımbaev Nūrsūltan Äbışūlynyŋ jasampazdyq pen jaŋaşyldyqty toǧystyrǧan osyndai strategiialyq qadamdaryn elımızdıŋ syrtqy saiasatynan da baiqauǧa bolatynyn aitty. Būl rette Elbasynyŋ halyqaralyq qauıpsızdıktı qamtamasyz etu jolyndaǧy igı bastamalaryna toqtalyp öttı. Onyŋ aituynşa, Tūŋǧyş Prezidentımız syrtqy saiasatta bılekke emes, bılımge, aqyl-parasatqa, dialog pen özara senımge taban tırei otyryp, batyl şeşımder qabyldady. Örkenietaralyq jäne dınaralyq kelısımdı nyǧaitu arqyly Qazaqstan jahandyq qauıpsızdıkke öz ülesın qosty.
Mäulen Äşımbaev Elbasynyŋ Euraziialyq integrasiiany damytuǧa qatysty jaŋaşyl qadamdaryna toqtaldy. Tūŋǧyş Prezidentımızdıŋ älemdık yntymaqtastyqty saqtau jolyndaǧy tyŋ bastamalary ömırşeŋ jäne olar HHI ǧasyrda jahandyq qauıpsızdıktı qamtamasyz etudıŋ berık negızı retınde qyzmet ete beretının atap öttı. Halyqaralyq konferensiiaǧa Memlekettık hatşy Qyrymbek Köşerbaev, Konstitusiialyq Keŋestıŋ töraǧasy Qairat Mämi, Aziiadaǧy özara ıs-qimyl jäne senım şaralary jönındegı keŋes hatşylyǧynyŋ (AÖSŞK) atqaruşy direktory Qairat Sarybai, Senat janyndaǧy Senatorlar keŋesı töraǧasynyŋ orynbasary Bırǧanym Äitımova, Nazarbaev Universitetınıŋ Prezidentı Şigeo Katsu, qoǧam qairatkerı Ermūhamet Ertısbaev qatysty. Sondai-aq ıs-şara barysynda bırqatar şeteldık qatysuşylardyŋ beinebaiandamalary tyŋdaldy. Olardyŋ qatarynda Bırıkken Ūlttar Ūiymynyŋ būrynǧy bas hatşysy, Jahandyq jasyl ösım institutynyŋ qazırgı prezidentı Pan Gi Mun, Europalyq qaita qūru jäne damu bankınıŋ (EQDB) bırınşı prezidentı Jak Attali, Ūlybritaniianyŋ būrynǧy premer-ministrı Toni Bler, Türkiianyŋ būrynǧy prezidentı Abdolla Gül, AQŞ-tyŋ būrynǧy memlekettık hatşysy Kondoliza Rais jäne Ūjymdyq qauıpsızdık turaly şart ūiymynyŋ (ŪQŞŪ) bas hatşysy Stanislav Zas bar.
