Astanada «Üi maŋy därıgerı» jobasymen taǧy bır jaŋa emhana aşyldy. Būl nysan – 2018 jyldan berı jūmys ısteitın «Janūia» medisinalyq kompaniiasy» JŞS-tıŋ elordadaǧy besınşı filialy. Ä.Bektūrov, 4 mekenjaiynan aşylǧan emhananyŋ tūsaukeserıne qalalyq densaulyq saqtau basqarmasynyŋ jäne Amanat partiiasynyŋ ökılderı qatysty.
Jalpy «Üi maŋy därıgerı» jobasynyŋ maqsaty – tūrǧyndardyŋ jaqyn qaşyqtyqta sapaly medisinalyq kömek aluyn qamtamasyz etu. Onyŋ qyzmetı bastapqy medisinalyq-sanitarlyq kömek körsetuge baǧyttalǧan. 2018-2021 jyldary elordada osy joba aiasynda 354 myŋ adamdy qamtityn 40 emhana aşyldy. Sonyŋ ışınde 34-ı jeke investorlardy tartu arqyly qūryldy. Būl emhanalardyŋ jeteuı – qalanyŋ şet aimaqtarynda. Biyl osyndai 10 jobany jüzege asyru josparlanǧan.
Jaŋa jyl qarsaŋynda aşylǧan emhananyŋ tūsaukeser jiynynda Astana qalasy boiynşa Densaulyq saqtau ūlttyq palatasynyŋ oryndauşy direktory Qarşyǧa Qūlmūqanov bata berdı.
«Jaŋa emhana aumaǧy – 3,5 myŋ şarşy metr, tūrǧyn üidıŋ astyŋǧy 2 qabatyna ornalasqan. Onda 70-ke juyq kabinet bar. Emhana barlyq zamanaui medisinalyq jabdyqtarmen jaraqtandyrylǧan. Jeke investorlar küşımen aşylǧan emhana därıgerlerı nauqastardy bır künde 500 retten qabyldai alady» dedı «Janūia» serıktestıgınıŋ medisinalyq direktory Zamira Borlyqbaeva.
