Qala köşelerınde demaluǧa arnalǧan oryndyqtar men qoqys jäşıkterı ornatylyp, jaiau jürgınşılerge arnalǧan joldar jöndelude. Būl turaly Esıl audanynyŋ äkımı Asylbek Esenbaev mälım ettı.
Elordadaǧy Dostyq, Qonaev köşelerı, Mäŋgılık el daŋǧyly alaŋyndaǧy jaiau jürgınşılerge arnalǧan joldardy abattandyru jūmystary josparǧa sai jürgızılude.
– Qozǧalys mümkındıgı şekteulı adamdardyŋ qajettılıkterın eskere otyryp, keŋeitılgen pandustardy salyp jatyrmyz. Esıldıŋ sol jaǧalauyndaǧy Dostyq, Qonaev köşelerı men Mäŋgılık el daŋǧyly – Astanadaǧy adam eŋ köp jüretın jerlerdıŋ bırı. Būl audanda myŋdaǧan tūrǧyn bar, olardyŋ barlyǧy derlık jaiau jürgınşılerge arnalǧan joldarmen künıne bırneşe ret ötedı. Sondyqtan osy maŋda jürgızılıp jatqan jūmystyŋ keşıguıne jol bermeu turaly tapsyrma berdım. Keibır jerlerdı älı de tüzetu qajet. Jūmystyŋ sapasyna basty män beremız. Sondai-aq, būl köşelerde tūrǧyndardyŋ tynyǧyp, demaluyna arnalǧan oryndyqtar, qoqys jäşıkterın ornatudy da josparlap otyrmyz, – dedı audan äkımı.
Qyrküiek aiynda Esıl audanynda №96 mektep aşylady. Astana qalasy Kölık jäne jol-kölık infraqūrylymyn damytu basqarmasynyŋ jobasy boiynşa №28/5 köşe jaǧynan kıreberıs keŋeiıp, jaryqtandyru baǧandary jyljytylady.
