Astanada jyl basynan berı toǧyz ret bos oryndar järmeŋkesı öttı

Aǧymdaǧy jyldyŋ ekın­şı toqsanynda Astanada jūmyssyzdar sany – 22,8 myŋ adamdy, al jalpy jūmyssyzdyq deŋgeiı 4,7% qūrady.­

Elordada jūmyspen qamtyl­ǧan­­dardyŋ qatarynda jaldamaly qyzmetkerlerdıŋ ülesı 95% nemese 442,8 myŋ adamdy (sonyŋ ışınde 220,6 myŋy – er, 222,2 myŋy – äiel) qūrady. Al özın-özı jūmyspen qamtyǧandar sany 5% nemese 23,4 myŋ adam. Sonyŋ ışınde 8,8 myŋy – er, 14,6 myŋy – äiel.
Osy künderge deiın Jūmyspen qamtu ortalyǧyna 8 487 adam jügıngen. Olardyŋ jartysyna juyǧy tūraqty jūmys oryndaryna jäne 1 244 adam qoǧamdyq jūmystarǧa jıberıldı. Sondai-aq, 623 adam käsıptık oqytudan ötıp jatsa, 435 tülek jastar praktikasyna qatysuda jäne 105 jūmyssyz azamat äleumettık jūmystarǧa ornalas­tyryldy.
Būǧan qosa, jyl basynan berı toǧyz märte bos jūmys oryndary järmeŋkesı öttı. Sonyŋ ışınde mümkındıgı şekteulı adamdarǧa, sonymen bırge äielder men jastarǧa arnalǧan jäne arnaiy bılım beru salasyna da qatysty järmeŋkeler ūiymdastyryldy.
«Jūmyspen qamtudyŋ jol kartasy – 2020» baǧdarlamasy turaly elorda tūrǧyndaryna jan-jaqty aqparat beretın şaǧyn top jūmysyn bastady. Būl toptyŋ jūmysy ar­qy­ly Astana tūrǧyndary eŋbek naryǧyndaǧy jaǧdai men kadrlarǧa sūranys jaily tolyq aqparat ala alady.
Qolǧa alynǧan şaralardyn näti­je­sınde äielder jūmyssyzdyǧy 1,6 paiyzǧa (6,3%-dan 4,7%-ǧa ), jas­tar jūmyssyzdyǧy 0,4 paiyzǧa (5,6% -dan 5,2%-ǧa) tömendegen.