Қыс басталғалы қала сыртына жиналған қардың 932 968 текше метрі шығарылды. Қазан айының ортасынан бастап 23 желтоқсан аралығында құм-тұз аралас қоспаның 11 492,5 текше метрі себілді. Жалпылай алғанда, көктайғаққа қарсы реагенттің 58,97 тоннасы шашылған болатын.
Қар тазалаушылардың қауырт тірлігінен хабар етсек, өткен тәулікте ғана қаланың көшелерін қардан тазалауға 367 арнаулы техника жұмылдырылып, 320 жұмысшы құралын сайлап, қар
тазалауға шықты. Осы тәулікте қала сыртына жалпы көлемі 7438 текше метр қар шығарылды.
