Алло, «Астана ақшамы»!
Мерей АРТЫҚҚЫЗЫ, қала тұрғыны:
– Жуырда қалалық прокуратура азаматтарды қабылдайды деп естідім. Менің де шешімін таппай келе жатқан мәселем бар еді. Сұрайын дегенім, қабылдау қашан және қайда жүргізіледі?
Оқырман сауалына әкімдіктің баспасөз қызметі ұсынған мәліметті жариялаймыз:
– Астана қаласының прокуратурасы «Нұр Отан» партиясының қалалық филиалы мен әкімдікпен бірлесе отырып, 2018 жылдың 16 тамызында сағат 10:00 мен 16:00 аралығында азаматтарды қабылдайды. Шарада прокуратура, әкімдік, ішкі істер, қылмыстық-атқару жүйесі, мемлекеттік кірістер мен әділет департаменттерінің басшылығы және Ұлттық банктің филиалы өкілдері азаматтардың сұрақтары бойынша жеке қабылдау жүргізеді.
Іс-шара «Нұр Отан» партиясының қалалық филиалының ғимаратында өтеді. Алдын ала жазылу үшін Астана қалалық прокуратурасының байланыс телефондарына: 8 (7172) 712449, 712126 және «Нұр Отан» партиясының қалалық филиалының қоғамдық қабылдау бөлмесінің байланыс нөміріне 8 (7172) 361945 хабарласқаныңыз жөн.