استانا قالالىق ءماسليحاتىنىڭ حاتشىسى ەرلان كاناليموۆ پەن پوليتسيا دەپارتامەنتىنىڭ باستىعى مارات تولەباەۆ باستاعان دەلەگاتسيا ەلورداداعى بىرقاتار پوليتسيا قىزمەتكەرلەرى قىزمەت ەتەتىن پۋنكتتەرگە ارنايى باردى.
دەلەگاتسيا قۇرامىندا قالالىق ءماسليحات دەپۋتاتتارى ازامات ايتحوجين, ەرلان داكەنوۆ, باۋىرجان جانقوناقوۆ, نۇرلان كوپەشوۆ, نۇرداۋلەت ورازحانوۆ, ۆلاديسلاۆ سەرگەەۆ, عابيت ءتاجىمۇراتوۆ, سەرىك ءتۇسىپوۆ, باقداۋلەت جاندىلداەۆ, الماگۇل سەگىزباي, ارايلىم قۇمارجانوۆا, ءلاززات مۇراتقىزى, گۇلجامال جاپاروۆا, دينارا ورازالينا بولدى.
الدىمەن م.اۋەزوۆ №40 مەكەنجايىنداعى ەڭسەلى عيماراتقا باردىق. بۇعان دەيىن بيزنەس ورتالىق رەتىندە قىزمەت ەتكەن-ءدى. ەندىگى ۋاقىتتا سارىارقا اۋدانىنىڭ پوليتسيا باسقارماسىنا بەرىلەدى. قازىر جوندەۋ جۇمىسى جۇرگىزىلۋدە.
دەلەگات مۇشەلەرى قۇرىلىس جۇمىستارىنىڭ ساپاسىن كوردى.
باسقارما باستىعى دۋلات جۇماعۇلوۆ قاراماعىندا 468 پوليتسيا قىزمەتكەرى جۇمىس ىستەيتىنىن, جاڭا عيمارات جۇمىس ساپاسىن ارتتىرۋعا سەپتىگى تيەتىنىن جەتكىزدى.
ودان كەيىن بايقوڭىر اۋدانىنداعى ۋچاسكەلىك پوليتسيا پۋنكتىنە (ۋپپ) توقتادىق.
ەسكى تۇرعىن ءۇيدىڭ ءبىرىنشى قاباتىندا ورنالاسقان پوليتسيا پۋنكتى زاماناۋي تالاپقا ساي ەمەستىگى كورىنىپ-اق تۇردى. ءبىر پۋنكتە ەكى ءبولىم – ۋپپ-22, ۋپپ-24 قىزمەت ەتەدى.
ۋپپ-22 باستىعى اسلان اشىربەكوۆتىڭ سوزىنشە, بايقوڭىر اۋدانىنداعى 50 مىڭ تۇرعىننىڭ قاۋىپسىزدىگى ءۇشىن جاۋاپتى. الايدا قىزمەت ەتەتىن عيمارات ۋاقىت تالابىنا ساي كەلمەيدى, ءبىر پۋنكتتە ەكى ءبولىم قىزمەت ەتەدى. الداعى ۋاقىتتا رەسپۋبليكا جانە ج.تاشەنوۆ كوشەسى بويىنان ارنايى پۋنكت اشىلسا, پوليتسيا قىزمەتىنىڭ ساپاسى ارتۋىنا وڭ جاعداي تۋدىرادى.
شىنىندا, حالىققا قورعان بولاتىن پوليتسيا قىزمەتكەرلەرى زامان تالابىنا ساي كەلەتىن ەڭسەلى, جارىق, جايلى عيماراتتا قىزمەت ەتپەسە, ولاردان نەنى تالاپ ەتەمىز؟ بۇل – ۇلكەن يدەولوگيالىق ءمانى بار, تەز ارادا شەشىلۋى ءتيىس ماسەلە. قالالىق ءماسليحات دەپۋتاتتارى وسىعان ءمان بەرىپ, شەشىلۋ جولىن قاراستىرىپ, پوليتسيا قىزمەتكەرلەرىنە جان-جاقتى جاعداي جاساۋ مىندەت ەكەنىن ءسوز ەتتى.
ەلدىڭ ساياسي ورتالىعىنداعى پوليتسيا قىزمەتكەرىنىڭ جاي-كۇيى وسىنداي بولسا, ەلدىڭ شەتكى ايماقتارىنداعى جاعدايدى باعامداۋعا بولاتىنداي…
«بارلىق وزىق ەلدەردە پوليتسيا ينستيتۋتى سەرۆيستىك مودەل نەگىزىندە دامىپ كەلەدى. ءبىز دە مۇنداي ۇلگىگە كوشەتىنىمىزدى مالىمدەدىك. بىراق جۇمىس بارىسىندا از عانا ناتيجەگە قول جەتكىزىلدى.
«جۇرتقا جاقىن پوليتسيا» قاعيداتى بو
يىنشا جەرگىلىكتى پوليتسيا قىزمەتىنىڭ مەيلىنشە تۇتاس رەفورماسىن جاساۋ قاجەتتىگى ءپىسىپ-جەتىلدى. ۋچاسكەلىك ينسپەكتوردىڭ مارتەبەسىن زاڭناما ارقىلى ارتتىرىپ, ونىڭ ءونىمدى جۇمىس ىستەۋىنە مول مۇمكىندىك بەرگەن ءجون».
پرەزيدەنت قاسىم-جومارت توقاەۆتىڭ «جاڭا جاعدايداعى قازاقستان: ىس-قيمىل كەزەڭى» جولداۋىنان
قىلمىس تۇرلەرىنىڭ فورماسى, ءموتيۆى وزگەرىپ, ينتەرنەتتەگى الاياقتىق ورشىگەن كەزدە پوليتسيا قىزمەتكەرلەرى ادامدىق, ادامگەرشىلىك قۇندىلىقتاردى بويىنا سىڭىرۋدەن بولەك, كومپيۋتەردى تەرەڭ مەڭگەرىپ, ينتەرنەتتى ءوز كادەسىنە جاراتا الۋى ءتيىس. دەمەك, قۇقىق قورعاۋ سالاسىنىڭ قىزمەتكەرلەرى ساپالى قىزمەت ەتۋدە لايىقتى جاعداي ىستەۋ ماڭىزدى.
كەلەسى وبەكت – پاترۋلدىك پوليتسيا ءبولىمىنىڭ جۇمىسىمەن تانىستىق.
پاترۋلدىك پوليتسيا پولكىنىڭ كومانديرى نۇرلان قاليەۆ:
– كۇنىنە ورتاشا 380-420 قىزمەتكەر كوشەدەگى تىنىشتىقتى كۇزەتىپ, حالىقتىڭ قاۋىپسىزدىگىن قامتاماسىز ەتۋگە اتسالىسادى. جالپى پولكتە 747 پوليتسيا قىزمەت ەتەدى, – دەدى.
ءبىز پاترۋلدىك پوليتسەيلەر 3 اۋىسىم بويىنشا قىزمەت ەتەتىنىن, ءبىرىنشى اۋىسىم – ساعات 00.00-08.00, ەكىنشى اۋىسىم – ساعات 08.00-16.00, ءۇشىنشى اۋىسىم – ساعات 16.00-00.00-گە سايكەس كەلەتىنىن بىلدىك. مەيرام كۇندەرى كۇشەيتىلگەن رەجيمدە جۇمىس ىستەيدى.
قازىر استانا ميلليون تۇرعىنى بار مەگاپوليسكە اينالىپ, كولىكتىڭ سانى جىل وتكەن سايىن ارتىپ كەلەدى. بۇل جول قوزعالىسىن قيىنداتا تۇسەتىنى انىق. اركەز شاھاردىڭ ءار جەرىندە جول-كولىك وقيعاسى ورىن الاتىنىن كوز كورىپ ءجۇر. مۇنىڭ ءبارى پاترۋلدىك پوليتسەي قىزمەتىنىڭ جۇكتەمەسىن ارتتىراتىنى ءسوزسىز.
دەپۋتاتتاردان قۇرىلعان دەلەگاتسيا مۇندا ارنايى بارۋىنىڭ ءبىر سەبەبى – پاترۋلدىك پوليتسيا پولكى ورنالاسقان عيمارات 1964 جىلى سالىنعان, بۇگىنگى زامان تالابىنا تولىق جاۋاپ بەرمەيدى جانە ءبىر اۋماقتا توتەنشە جاعدايلار قىزمەتىمەن بىرگە جۇمىس ىستەيدى. ارينە, بۇل ەكەۋى دە قۇقىق قورعاۋ سالاسىنىڭ قىزمەتىنە جاتقانىمەن, فۋنكتسيونالدىق مىندەتى ەكى بولەك قۇرالىم ەمەس پە؟
ءسوز جوق, كەيىنگى جىلدارى پاترۋلدىك پوليتسەي قىزمەتىنىڭ ساپاسىن ارتتىرۋدا جاڭا كولىكتەرمەن قامتاماسىز ەتىپ, سالانى تسيفرلاندىرۋعا ءمان بەرىپ, پلانشەتتەرمەن قامتاماسىز ەتۋدە. الايدا زاماناۋي عيماراتپەن قامتاماسىز ەتۋ وزەكتىلىگىن جويماي تۇر. بۇل ماسەلەنى باس شاھاردىڭ باسشىلىعى جاقسى بىلەتىنىن, ءارى شەشۋ جولىندا جۇمىس ىستەپ جاتقانى انىق.
سارىارقا اۋدانىنا قاراستى ۋپپ-66 ءبولىمىنىڭ جاعدايى ءتىپتى ناشار. بۇعان سول جەرگە بارعانىمىزدا كۋا بولدىق. 32 مىڭ حالىقتىڭ تۇنگى تىنىشتىعى, كۇندىزگى قاۋىپسىزدىگىنە جاۋاپتى مەكەمەدە 8 پوليتسيا قىزمەتكەرى جۇمىس ىستەيدى.
پوليتسيا گەنەرال-مايورى مارات ساعىنتايۇلى ءۇش بولمەلى شاعىن پوليتسيا پۋنكت جاعدايىنا دەپۋتاتتاردىڭ نازارىن اۋدارتىپ, شۇعىل شەشىم شىعارىپ, جاڭادان نىسان الۋ ماڭىزدى ەكەنىن اتادى.
ويتكەنى پوليتسيا پۋنكتى №19 مەكتەپتە ورنالاسقان. ال بۇل مەكتەپ «اپاتتىق» دەپ تانىلىپ, وقۋشىلار №90 مەكتەپكە كوشىرىلدى. سولاي بولا تۇرا, پوليتسيا قىزمەتكەرلەرى اپاتتىق مەكتەپتە قىزمەتىن جالعاستىرۋدا.
ساپارىمىز جىلدام قيمىلدايتىن ارنايى جاساقتىڭ جۇمىسىمەن تانىسۋمەن اياقتالدى.
ەل ازاماتتارىنىڭ قۇقىقتارىن قورعاۋ, قوعامنىڭ قاۋىپسىزدىگىن قامتاماسىز ەتۋ, لاڭكەستىك ءىس-ارەكەتتەردىڭ جولىن كەسۋ, ۇيىمداسقان قىلمىسكەرلەرگە توقتاۋ قوياتىن ارنايى قىزمەتتىڭ جاۋىنگەرلەرى وقۋ-جاتتىعۋ جيىنىن وتكىزىپ جاتقانىن كوردىك.
ءبىرى – ساپتاعى قوزعالىستاعى جاتتىعۋلاردى شىڭداپ جاتسا, ەكىنشىلەرى سپورت زالدا شىعىس جەكپە-جەك تۇرلەرى, بوكس, كۇرەس تۇرلەرىمەن شۇعىلدانۋدا, قالعانى ترەناجەرلىك زالدا جاتتىعۋ جاساپ جاتتى.
دەپۋتاتتار جاقىندا اشىلعان عيماراتتىڭ جيھازدارىنا كوڭىل ءبولىپ, تير اتۋ زالىنا باردى. مۇندا ءالى جوندەۋ جۇمىستارى اياقتالماپتى.
جالپى ءبىر كۇندىك ساپاردان ەلدىڭ ساياسي ورتالىعى – استانا قالاسىنداعى پوليتسيا قىزمەتكەرلەرى ساپالى قىزمەت ەتۋدە قاجەتتى عيماراتتار, جيھازدار, كومپيۋتەرلەرمەن قامتاماسىز ەتۋ ماڭىزدى مىندەت ەكەنىن تۇسىندىك.
