ەل تىنىسى
استانا جانە سىلەتى سۋ قويمالارى 100%-عا تولدى
اقمولا وبلىسىنداعى استانا جانە سىلەتى سۋ قويمالارى 100%-عا تولى, دەپ حابارلايدى astana-akshamy.kz
ەكى نىسان دا شتاتتىق كەستەگە ساي جۇمىس ىستەپ تۇر.
سۋ قويمالارىندا تاۋلىك بويى كەزەكشىلىك جانە سۋ شارۋاشىلىعى جاعدايىنىڭ مونيتورينگى جالعاسۋدا.
سونداي-اق, وزگە وڭىرلەرگە شولۋ جاسار بولساق:
سولتۇستىك قازاقستان وبلىسىنداعى 2 ءىرى سۋ قويماسى 100%-عا تولى, وڭىردە سۋ تاسقىنى جالعاسىپ جاتىر. سەرگەەۆ سۋ قويماسى بوگەتىنىڭ جوتاسىنان سۋدىڭ اسۋ بيىكتىگى 3,6 مەتر. وسى ساعاتقا پەتروپاۆل قالاسى شەگىندەگى ەسىل وزەنىنىڭ دەڭگەيى- 1270 سم, ول ءبىر تاۋلىكتە 4 سم-گە تومەندەدى.
اقتوبە وبلىسىنداعى ەكى ءىرى سۋ قويماسىنىڭ ورتاشا سۋ جيناۋ كورسەتكىشى 97%. ەكى نىسان دا شتاتتىق كەستەگە ساي جۇمىس ىستەيدى.
شىعىس قازاقستان وبلىسىندا ەكى ءىرى سۋ قويماسى بويىنشا ورتاشا سۋ جيناۋ كورسەتكىشى شامامەن 81%.
اباي وبلىسىندا ءشۇلبى سۋ قويماسى 63%-عا تولدى. وڭىردە سۋ تاسقىنى جالعاسۋدا. ءشۇلبى سۋ قويماسىنا بۇيىرلىك اعىنداردىڭ ۇلعايۋىنا بايلانىستى تابيعاتتى قورعاۋ ءىس-شارالارىنا سۋ جىبەرۋ جالعاسۋدا. ەرتىس كاسكادىنىڭ سۋ قويمالارى شتاتتىق كەستەگە ساي جۇمىس ىستەيدى.
باتىس قازاقستان وبلىسىنداعى ءتورت ءىرى سۋ قويماسىنىڭ ورتاشا سۋ جيناۋ كورسەتكىشى 86%. ولاردىڭ بارلىعى شتاتتىق كەستەگە ساي جۇمىس ىستەيدى. قاراعاندى وبلىسىنداعى 3 ءىرى سۋ قويماسى 98,5%-عا تولى. ولاردىڭ بارلىعى دا شتاتتىق رەجيمدە جۇمىس ىستەيدى.
قوستاناي وبلىسىندا ەكى ءىرى سۋ قويماسىنىڭ ورتاشا سۋ جيناۋ كورسەتكىشى 92%. ەكى نىسان دا شتاتتىق كەستەگە ساي جۇمىس ىستەپ جاتىر.
شقو مەن بقو-دان باسقا بارلىق وڭىرلەردە سۋ تاسقىنىنىڭ بەلسەندى كەزەڭى ءوتتى. سۋ قويمالارىندا تاۋلىك بويى كەزەكشىلىك جانە سۋ شارۋاشىلىعى جاعدايىنىڭ مونيتورينگى جالعاسۋدا.