ەلوردادا «تازا قازاقستان. استانا — تازالىق پەن ءتارتىپتىڭ ۇلگىسى» ەكوايلىعى وتۋدە, دەپ حابارلايدى astana-akshamy.kz
سونىڭ ىشىندە «كيەلى مەكەن» اپتالىعى اياسىندا ەسىل اۋدانى بويىنشا بىرقاتار ءىس-شارالار وتكىزىلدى. «سامرۇق قازىنا» اق, «Sheraton Astana Hotel», «The Ritz-Calrton, Astana» قوناقۇيلەرى, «بەلسەندى ۇزاق ءومىر ءسۇرۋ» ورتالىعى, قالالىق ماسليحات دەپۋتتارى جانە «جاستار رۋحى» جاستار قاناتى وكىلدەرى ەسىل اۋدانى اكىمشىلىگىمەن بىرلەسىپ, اۋدان اۋماعىنا كوكتەمگى سەنبىلىك وتكىزدى. ودان بولەك, ءوز اۋلالارىن جانە قاراستى اۋماقتارىن تازارتۋعا قالا تۇرعىندارى مەن شاعىن جانە ورتا بيزنەس وكىلدەرى دە بەلسەنە اتسالىستى. ءىس-شاراعا بارلىعى 9500 ادام جۇمىلدىرىلدى.
جالپى, «كيەلى مەكەن» اپتالىعى ازاماتتاردىڭ ەكولوگيالىق مادەنيەتىن قالىپتاستىرۋعا باعىتتالعان. جەتى كۇندىك اياسىندا ساياباقتار, كوگالدار, ەسكەرتكىگتەر ماڭى مەن مادەني ورىنداردى كوكتەمگى تازارتۋ كوزدەلگەن.
ەسكە سالامىز, بۇگىن رەسپۋبليكالىق «تازا قازاقستان» ايلىعىنىڭ ەكىنشى اپتاسى مارەسىنە جەتتى. كەلەسىسى «جاسىل ايماق» ەكواپتالىعى. ونىڭ ماقساتى — وسكەلەڭ ۇرپاقتى تابيعاتتى قورعاۋعا جانە ساقتاۋعا باۋلۋ, سونداي-اق كوشەت وتىرعىزىپ, تالداردىڭ ءتۇبىن اعارتىپ, اينالاعا كۇتىم جاساۋدى كوزدەيدى.
