كەزدەسۋ بارىسىندا تاراپتار قازاقستان مەن بۇۇ اراسىنداعى ەكىجاقتى ىنتىماقتاستىق ماسەلەلەرىن تالقىلادى, سونداي-اق قارىم-قاتىناستى ودان ءارى دامىتۋ پەرسپەكتيۆالارىن قاراستىردى.
سونىمەن قاتار, نۇرسۇلتان نازارباەۆ پەن پان گي مۋن حالىقارالىق كۇن تارتىبىندەگى مەيلىنشە وزەكتى ماسەلەلەر جونىندە پىكىر الماستى.
مەملەكەت باسشىسى بۇۇ-مەن قارىم-قاتىناستا پان گي مۋننىڭ باس حاتشى قىزمەتىندە قول جەتكىزىلگەن ءوزارا تۇسىنىستىكتىڭ دەڭگەيى جوعارى ەكەنىن اتاپ ءوتتى.
– بۇۇ – اسا ماڭىزدى ۇيىم, وعان الەمنىڭ بارلىق مەملەكەتتەرى قولداۋ كورسەتىپ, بەدەلىن نىعايتۋعا, مۇمكىندىكتەرىن كەڭەيتۋگە ءتيىس دەپ سانايمىن. اسىرەسە, قازىرگى كۇردەلى احۋال كەزىندە بۇل وتە قاجەت. ءوزىڭىز بىلەسىز, قازاقستان بەيبىتشىلىكتى, ينتەگراتسيا مەن ءوزارا تۇسىنىستىكتى نىعايتۋعا باعىتتالعان بىرقاتار ۇسىنىس ءبىلدىردى. ءبىزدىڭ ەل وركەنيەتتەردى بىرىكتىرۋ ءۇشىن الەمدىك جانە ءداستۇرلى دىندەر ليدەرلەرى سەزىن وتكىزىپ كەلەدى. يادرولىق قارۋدان ارىلۋ جونىندەگى ۇسىنىس بىزدەن باستاۋ الدى. بيىل ءبىز سەمەي يادرولىق پوليگونى جابىلۋىنىڭ 25 جىلدىعىن اتاپ وتەمىز. ءسىز ول جەردە بولدىڭىز. بۇدان بولەك, باس اسسامبلەيانىڭ سوڭعى سەسسياسىندا ءبىز ادامزاتتىڭ جاپپاي قىرىپ-جوياتىن قارۋدان ارىلۋ قاجەتتىگى جونىندەگى باستامانى جاريا ەتتىك, – دەدى قازاقستان پرەزيدەنتى.
پان گي مۋن قازاقستان پرەزيدەنتىنىڭ ۇيىممەن سەرىكتەستىك قارىم-قاتىناستارىنىڭ دامۋىنا قوسقان جەكە ۇلەسىن اتاپ ءوتىپ, قىزمەتتىڭ بارلىق باعىتى بويىنشا بۇۇ-عا جان-جاقتى قولداۋ كورسەتىپ كەلە جاتقانى ءۇشىن نۇرسۇلتان نازارباەۆقا العىس ايتتى.
akorda.kz
