Елордада кешеден бастап №14 автобус бағдары қатынайтын Абай даңғылы мен Бигелдинов көшесіне дейінгі, Бигелдинов көшесінен Күмісбеков көшесіне дейінгі аралықтағы жол бөлігі жөндеу жұмыстарына байланысты жабылды.
Жол жөндеу жұмыстары аясында осы көшелер аумағында су құбырларын, жылу желілерін тарту және жауын-шашынға, тұрмыстық мақсаттарға арналған кәріздерді орнату жұмыстары жүргізілуде.
Сондай-ақ, жол қозғалысы шектелген аймақта абаттандыру жұмыстары да қолға алынбақ.
Жолаушылар көлігі және автомобиль жолдары басқармасының мәліметі бойынша, көшелердегі жөндеу жұмыстары 1 қыркүйекте аяқталмақ.
