Qasym-Jomart Toqaev Ükımet basşysy Asqar Mamindı qabyldady. Prezidentke Qazaqstannyŋ ekonomikalyq ösım qarqyny, äleumettık maŋyzy bar azyq-tülık baǧalaryn tūraqtandyru şaralary, eldegı sanitarlyq-epidemiologiialyq ahual men basqa da özektı mäseleler turaly baiandaldy.
Memleket basşysy Qazaqstan ekonomikasynyŋ qaita qalpyna kelu üderısı qarqyndy jürıp jatqanyn atap öttı. Biylǧy 9 aidyŋ qorytyndysy boiynşa ışkı jalpy önımnıŋ ösımı 3,4 paiyzdy qūrady. Der kezınde daǧdarysqa qarsy qabyldanǧan şaralardyŋ arqasynda ekonomika qaita qalpyna keldı.
Asqar Maminnıŋ mälımetıne säikes, naqty sektordaǧy tūraqty ösım 3,5 paiyzǧa östı, sondai-aq karantin şekteulerın jeŋıldetu nätijesınde qyzmet körsetu sektorynyŋ bırtındep qalpyna keluı ekonomikanyŋ qaita ösuın üdettı. Būl rette öŋdeuşı önerkäsıptegı öndırıs kölemı 5,7 paiyzǧa artty. Qūrylys salasy 9,7 paiyzǧa ūlǧaidy. Elımızde 9 aidyŋ ışınde 10,4 million şarşy metr tūrǧyn üi paidalanuǧa berıldı. Būl ötken jylǧy körsetkışpen salystyrǧanda 8 paiyzǧa joǧary.
Premer-ministr Memleket basşysyna äleumettık maŋyzy bar tauarlardyŋ baǧasyn tūraqtandyru boiynşa jürgızılıp jatqan jūmystar men infliasiiaǧa qarsy ıs-qimyl şaralarynyŋ jüzege asyryluy jönınde aitty. Ükımet agroönerkäsıp keşenı sektorynda qūn qalyptastyrudyŋ barlyq tızbegı boiynşa baǧany tūraqtandyru, sauda jelılerı men otandyq tauar öndıruşılerı arasynda ūzaq merzımdı kelısımşarttar jasau, tauar ainalymyn qarjylandyrudy köbeitu jäne tūraqtandyru qoryna azyq-tülık satyp aludy arttyru, sondai-aq äleumettık maŋyzy bar azyq-tülıktıŋ sauda üstemesın joǧarylatu faktılerıne jol bermeu şaralaryn qabyldap jatyr.
Būdan bölek, Qasym-Jomart Toqaevqa elımızdegı sanitarlyq-epidemiologiialyq jaǧdai jönınde aqparat berıldı. Qazırgı taŋda barlyq aimaqtarda koronavirus jūqtyru deŋgeiı tömendegen, auyr nauqastardyŋ, stasionarlarda jäne ambulatorlyq em qabyldap jatqandardyŋ sany azaiǧan. Virustyŋ taralu indeksı – 0,96. Jūqpaly auruhanalardyŋ 37 paiyzynda, jansaqtau bölımderınıŋ 31 paiyzynda nauqastar em alyp jatyr. 8,1 million adam ekpenıŋ bırınşı komponentın, 7,2 million adam ekınşı komponentın alǧan.
Asqar Mamin Prezidentke syrtqy jäne ışkı investisiialardyŋ kölemın arttyru, şaǧyn jäne orta biznestıŋ äleuetın ūlǧaitu, aimaqtardy örkendetu, öŋdeuşı sektordy damytu jäne keŋeitu esebınen ekonomikanyŋ qūrylymdaryn odan ärı ärtaraptandyru jönınde qabyldanyp jatqan şaralar, sondai-aq elımızdıŋ äleumettık-ekonomikalyq damuynyŋ basqa da özektı mäselelerı boiynşa baiandady.
