Elordada äl-Farabidıŋ 1150 jyldyq mereitoiyna orai ūiymdastyrylǧan qalalyq «Meĭırımdı qala tūrǧyndary» atty esse konkursynyŋ jeŋımpazdary men jüldegerlerı marapattaldy.
Qazylar alqasynyŋ töraǧasy filologiia ǧylymdarynyŋ doktory, akademik, alaştanuşy Dihan Qamzabekūly öz sözınde qatysuşylar men ıs-şarany ūiymdastyruşylarǧa alǧysyn aityp, konkursqa kelıp tüsken kei jūmystardyŋ mazmūny men erekşelıkterıne toqtaldy. «Qazylyq öte aiqyn jäne şynaiy boldy, bılımpaz balalardyŋ deŋgeiın körıp quanyp ta jattyq, alaida bır aita keter jait, «plagiat» jūmystar da boldy. Sondyqtan bolaşaqta öz oilaryŋyzdy, pıkırlerıŋdı jetkızıp üirenıŋızder. Jüldelı oryn alǧan barlyq balalar öz oilary men pıkırlerın jetkıze alyp, äl-Farabi babamyzdyŋ eŋbekterıne qatysty oilaryn bıldırıp, bügıngı künmen de ūştastyra alǧan» dedı qazylar alqasynyŋ töraǧasy.
«äl-Farabidıŋ ömırbaiany, ūly oĭşyldyŋ ruhani mūrasy», «äl-Farabidıŋ ǧylymi-şyǧarmaşylyq eŋbekterı turaly», «äl-Farabidıŋ älem ǧylymyna qosqan ülesı», «äl-Farabi ideialarynyŋ bügıngı qoǧammen sabaqtastyǧy» tärızdı erkın taqyryptarǧa jazylǧan mazmūndy materialdar arasynan üzdık esse jūmystary ırıktelıp alyndy. Qazylar alqasynyŋ şeşımımen 2 nominasiia boiynşa mektep oquşylary jäne JOO men kolledj studentterı arasynda ötkızılgen konkurs jeŋımpazdary men jüldegerlerıne baǧaly syilyqtar tabystaldy.
