Bügın elordalyq mektep bıtıruşıler üşın airyqşa kün boldy. Astana qalasynyŋ äkımı Ädılbek Jaqsybekov Bıryŋǧai ūlttyq testıleudıŋ qorytyndysy boiynşa öz bılımın däleldegen 132 elordalyq tülekke saltanatty türde «Altyn belgı» tösbelgısın tabystady.
– Bügın – erekşe kün. Mektep qabyrǧasynda ötken jyldardy artqa tastap, ülken ömırge qadam basyp otyrsyzdar. Osy quanyşty künmen barlyqtaryŋyzdy qūttyqtaimyn! Elbasynyŋ qamqorlyǧymen elımızde jas ūrpaqqa sapaly bılım men jaqsy tärbie beruge barlyq jaǧdai jasalǧan. Endı joǧary oqu oryndarynyŋ esıkterı sızderge aiqara aşyq. Onda üzdık pedagogtar jūmys ısteidı. Bılım beru granttarynyŋ sany ūlǧaityldy. Älemdık deŋgeidegı Nazarbaev Universitetı qūryldy. «Bolaşaq» baǧdarlamasy jūmys ısteidı. Elımızdıŋ erteŋı – sızderdıŋ qoldaryŋyzda. Keleşekte memleketımızdı, elordamyzdy būdan ärı körkeituge öz ülesterıŋızdı qosady dep senemın. Sızderge sapaly bılım bergen ūstazdarǧa da rizaşylyǧymdy bıldıremın. Barşaŋyzǧa aq jol tıleimın, – dep tülekterge ızgı lebızın bıldırdı Astana äkımı.
Rasynda, bas qalada bılım salasyna qolaily jaǧdai jasalǧan. Jalpy bılım beretın mektepter sany jyl saiyn artyp keledı. Ötken jyly 7 100 oryndyq 6 mektep aşylyp, üş auysymdyq oqu tolyǧymen joiyldy.
Biyl «Altyn belgı» alǧan elordalyq tülekterdıŋ sany ötken jylmen salystyrǧanda 112-den 132-ge, ūlttyq emtihan boiynşa ortaşa ball 86,6-dan 89,2 balǧa östı. №72 mektep-liseiınıŋ tülegı Nūrasyl Erjanov – 125 balǧa qol jetkızdı. Söz arasynda aita keteiık, elordada 4 695 tülek attestat alsa, sonyŋ 54-ı erekşe ülgıdegı attestatqa ie boldy.
Aituly şara barysynda jūdyryqtai jüregı lüpıldep, tolqyp tūrǧan «Altyn belgı» iegerı, № 78 mektep-liseiınıŋ tülegı Janat Nūraiymdy sözge tarttyq.
– Ömırımdegı erekşe kündı bastan keşıp tūrmyn. Ol esımnen mäŋgı ketpeidı. Sondyqtan osyndai jetıstıkke jetkızgen mektebıme, ūstazdaryma alǧysym şeksız. Qaşanda janyma demeu bolyp, qoldap jürgen ata-anama rizamyn. Barlyq tülekterge de sät-sapar tıleimın. Bala künımnen jurnalist bolsam dep armandadym. Sol maqsatpen L.Gumilev atyndaǧy Ūlttyq universitetınde bılım alamyn dep otyrmyn. Elordanyŋ töl qūrdasymyn. Astana bızben jainap, ösıp keledı. Oǧan da öte quanyştymyn, – deidı ol köŋılı alyp-ūşyp.
Saltanatty şara aiaqtalǧan soŋ «Altyn belgı» iegerlerı mektep valsın bilep, aspanǧa tülekterdıŋ tılekterı jazylǧan kepterler men şarlar ūşyryldy. Keş otandyq estrada jūldyzdarynyŋ konsertıne ūlasty.
Azamat ESENJOL
