Astanadaǧy kommunaldyq qyzmetter küşeitılgen rejimde jūmys ıstep jatyr
Jaŋbyr suyn tazartuǧa baǧyttalǧan jūmystarǧa 117-den artyq arnaiy tehnika tartyldy.
Astanada taǧy nöserletıp jauyn-şaşyn jaudy. Jaŋbyr suy 14 mm, iaǧni bır ailyq normadan asyp tüstı. Tünnen asyp kündızge ūlasqan tolassyz jauǧan jaŋbyr saldarynan kommunaldyq qyzmetter täulık boiǧy rejimde jūmys ıstedı.
Jaŋbyr suyn soruǧa baǧyttalǧan jūmystarǧa 117-den artyq arnaiy tehnika tartyldy. Sonyŋ ışınde ekı ört söndıru stansiiasy da boldy.
«Tolassyz jauynnyŋ suynan «Han Şatyr» SOO audanynda ornatylǧan qosalqy sorǧylardyŋ esebınen Orynbor köşesın su basudyŋ aldy alyndy. Jyl soŋyna deiın Kerei men Jänıbek handar köşesı men Tūran daŋǧyly, № 31 – Husein ben Talal köşelerındegı №27 tazartu qūrylysy paidalanuǧa berıledı» dedı qauyrt jūmystyŋ basynda jürgen Astana qalasy äkımınıŋ orynbasary Qosman Aitmūhametov.
Qalany jaŋbyr suynan tazartuǧa bailanysty Memleket basşysy Nūrsūltan Nazarbaev qalanyŋ «EKSPO-2017» halyqaralyq körmesıne daiyndyǧy jönınde ötken bır jinalysta aityp, osy rette qala basşylyǧyna tapsyrmalar jüktegen bolatyn. Osy oraida qalanyŋ sol jaǧalauynda jauyn suyn būru jüielerı biylǧy jyldyŋ soŋyna deiın, al jalpy qala boiynşa üş jyldyŋ ışınde ornatylatyny josparlanǧan.
Osyǧan bailanysty nöser kärızı jüielerın damytu jönındegı jobalardy ıske asyrudyŋ 2019 jylǧa deiıngı kestesı qaita qaraldy.
Biyl ekı tazartu qūrylysyn saludan basqa, Kışı Taldykölden Esıl özenıne su jıberetın kollektordyŋ jäne Sauran köşesındegı Rysqūlov köşesınen №31 köşege deiıngı nöser kärızınıŋ qūrylysyn aiaqtau, Tūran daŋǧyly men Syǧanaq köşesınıŋ qiylysyndaǧy drenajdy-sorǧy stansiiasyn qaita jöndeu josparlanyp otyr.
Tiıstı şaralar qalanyŋ qarqyndy damyp kele jatqan sol jaǧalauyn su basu mäselelerın tolyq şeşuge mümkındık beredı.
Sonymen qatar, üstımızdegı jyly qaita salynyp jatqan aumaqta su būru jaǧdailaryn jaqsartu üşın Beisekova köşesınde, Prigorodnyi kentınde tazartu qūrylystary salynyp jatyr, sondai-aq, Tūran daŋǧyly men Syǧanaq köşesınıŋ qiylysyndaǧy tazartu qūrylysy qalpyna keltırılıp, 2018 jyly paidalanuǧa berıledı dep kütılude.
