Gülmira SARİNA, änşı, QR eŋbek sıŋırgen qairatkerı: MENIŊ MINDETIM — ÄNNIŊ BAǦYN AŞU

– Sız dästürlı önerden bölek, estrada salasynda da baq synap jürsız. Qai janr qiynyraq?
Asqar AMANTAI, zeinetker

– Oryndauşynyŋ qabıletı Alladan bolsa, oǧan kez kelgen ändı aitu qiyndyqqa tüspeu kerek. Ol halyq änderın aita ma, estradalyq än aita ma, talantty bolsa, kez kelgen tuyndyny oryndai alady. Al, köp qarjyny, uaqytty talap etetını, ärine, estradalyq änder. Qazır zaman talabyna sai, estradalyq änge sūranys basym. Bıraq, solai eken dep halyq änderınen qol üzbeimın. Halyq änderınen qol üzu – özıŋdı joǧaltu ǧoi. Alaida dästürlı önerdı estradaǧa tüsırıp, naqyşyna keltıre oryndap, köpşılıkke jaŋa qyrynan tanytyp, jarnamalaudyŋ eş äbestıgı joq.

– Dästürlı änderımızdıŋ bolaşaǧy turaly ne aitasyz? Estrada dästürlı önerımızdı şetke yǧystyryp bara jatqan joq pa?
Maira SÄRSEN, mūǧalım

– Dästürlı öner eşqaşan şette qalmaidy. Qazaq qanşama qiyn- qystau uaqytta da dombyrasyn tastamaǧan. Halyq änderı teledidar, radiosyz-aq auyzdan-auyzǧa jetken. Sondyqtan qazırgı kezde közı aşyq, kökıregı oiau ūrpaq özınıŋ töl önerınen bırjola qol üzedı dep oilamaimyn. Qazaqtyŋ önerı tek qana qazaqqa kerek, sondyqtan da barlyǧymyz töl önerımızdı nasihattai bıleiık.

 – Dästürlı änşılerdıŋ köpşılıgı qarjy tabu ärı halyqqa tez tanylu maqsatynda estradalyq baǧytqa auysyp jatady. Sız de söittıŋız be?
Aijan ǦAMZATOVA, esepşı

– Olai dep aituǧa bolmas. Dästürlı janrmen qatar, estradany da qosa alyp jüruıme türtkı bolǧan – «Jalt-jūlt etken dünie-ai» änı. Ol ändı sazgerdıŋ özı ūsynǧan bolatyn. Äitpese, teledidardan körıneiın, halyqqa tanylaiyn degen maqsatym bolǧan emes. Allaǧa şükır, tyŋdarmandarymnyŋ jadynda dombyra ūstaǧan qalpymmen de saqtaldym degen oidamyn. «Jalt-jūlt etken dünie-ai» änıne kezınde beinebaian da tüsırılgen. Ännıŋ avtorlary – Nesıpbek Aitūly men Ermūrat Üsenov. Estrada janryndaǧy eŋ alǧaşqy änım sättı şyqqandyqtan da bolar, tyŋdauşylar men avtorlardyŋ sūranysy arta tüstı. Sol sebeptı, ekı janrda da oryndap jürmın. Sodan berı şyǧarmaşylyq qorjynym alpystan astam estradalyq änmen tolyqty. Şükır, köpşılıgı Qazaq radiosy arqyly öz tyŋdauşylaryn tauyp jatyr. Menıŋ maqsatym – ännıŋ baǧyn aşu. Tyŋdauşynyŋ sūranysyna sai jūmys jasaǧandy jön köremın.

 – Dästürlı än önerınde qandai kem-ketık bar dep oilaisyz?
Güljanat TANABAEVA, jas änşı

 – Kemşılıgı sol, änşılerde jalqaulyq basym. Äitpese, Qūdai qazaqqa talantty bergen. Talanttylar joq emes, jetedı. Tek solardy körsetu kerek, ızdeu kerek. Aqyn aldyŋǧy buynnyŋ jyrlaryn oqyp, şyŋdalsa, änşınıŋ kıtaby – mūraǧattaǧy atadan qalǧan asyl mūra, ünderdı tyŋdau. Solardan özın-özı ızdeu. Keregın üirenu.

– Önerde kımge elıktedıŋız?
Tanaköz BERIK, därıger

– Mende elıkteuşılık joq, qyzyǧuşylyq bar. Jamal Omarova, Räbiǧa Esımjanova syndy apalarymyzdyŋ ünı, oryndauşylyq şeberlıgı ūnaidy. Al, ūstazym dep özımnıŋ ülken aǧam Erbol Sarindı atar edım. Odan keiın Qairat Baibosynovtan bılım aldym. Olarǧa degen alǧysym şeksız. Sondai-aq būrynǧy taspalardy tyŋdaudan jalyqpaimyn.

– Özıŋız än şyǧarasyz ba?
Gülnaz PERNEBEK, student

– Än şyǧaramyn. Kökeiıme kelgen äuendı ūialy telefonyma jazyp jüretınmın. Sosyn būl menıŋ änım be, būl än maǧan qaidan kelıp jatyr dep oilaitynmyn. Söitıp, keiın bır änımdı bauyrym Qalqaman Saringe tyŋdattym. Ol oŋaşa otyryp, tyŋdap körıptı. Keiın sol änge söz jazdy. «Şyǧysym şyraily elım» dep atalady.

– Estrada änşılerıne toi-tomalaqqa sūranys köp tüsedı. Al, dästürlı änge qalai?
Janna İBRAEVA, student

– Dästürlı änge sūranys tömen deuge bolmaidy. Menıŋşe, bügıngı taŋda halyq estradalyq änderden şarşaǧan siiaqty. Onyŋ da özındık deŋgeiı bar. Toi-tomalaqqa şy ǧyp tūramyn, dombyramdy qosa ala baram. Tıptı, estradalyq baǧyttaǧy änderımdı oryndauǧa şaqyrsa da, dombyramen än salsaŋyz degen ötınışter köp aitylady. Sondyqtan dästürlı änımız eşteŋeden kende qalyp jatqan joq.

– Dästürlı ändı nasihattap jürgen zamandastaryŋyzǧa köŋılıŋız tola ma?
Daniiar ELAMANOV, mūǧalım

– Ärine, köŋılım tolady. Halyqtyŋ köŋılınen şyǧyp jürgen änşıler köp. Qazır estradada ännıŋ atasyn bılmeitın, ännıŋ qūdıretın sezınbeitın änşıler joq emes. Özınıŋ ne aityp tūrǧanynan beihabar. Al, onymen salystyrǧanda dästürlı änderdı oryndaityn änşılerdıŋ änderı mänge, maǧynaǧa toly. Halyqtyq naqyştan şyqpaidy. Bız estradaǧa qosyp aitqan künnıŋ özınde halyqtyq boiaudy joǧaltpauǧa tyrysamyz. Bızge ärdaiym ülgı bolǧan aǧa-apalarymyz: «Qazırgı jastardyŋ aryny qatty, erteŋgı künı dästürlı ändı halyqqa keŋınen nasihattauǧa sübelı üles qosatyn osy jastarymyz bolady» dep özderınıŋ oŋ pıkırlerın bıldırıp otyrady.

– Gülmira apai, sızdı «Qazaqstan» telearnasyndaǧy «Keş jaryq» baǧdarlamasyna şaqyrdy ma?
Sara AMAN, oquşy

– Şaqyrdy, qatystym. Jūbanyş Jeksenūlymen bırge şyqtym. «Keş jaryq» baǧdarlamasynda dästürlı änşıler – estradamen, estrada änşılerı – dästürlı än aityp, saiysqa tüstı. Dästürlı änşıler halyq änderın aitqannan keiın, olardyŋ boiynda änderıne säikes, qarapaiymdylyq, baisaldylyq baiqalady. Osy jaǧynan kelgende, talap dūrys bolmady.

– Repertuaryŋyz turaly aitsaŋyz?
Manara SARQYT, qala tūrǧyny

– Men änge ǧaşyq adammyn. Jaqsy ändı ızdep, ony naqyşyna keltırıp oryndaǧandy jaqsy köremın. Repertuarymda halyq änderı, halyq kompozitorlarynyŋ änderı bar.

Erkejan SÄTIMBEK