LRT jobasy kelesı jyldyŋ soŋynda aiaqtalady. Būl turaly elorda äkımı Jeŋıs Qasymbek mälımdedı.
Qaŋtar aiynyŋ soŋynda Memleket basşysynyŋ töraǧalyǧymen ötken elordany damytu mäselelerı jönındegı keŋeste Qasym-Jomart Toqaev LRT jobasy jönınde toqtalǧan edı. «LRT-ǧa qatysty jūmysty meilınşe tezdetıp aiaqtau kerek. Men būryn da aittym, LRT jobasy negızınen, qate boldy. Bıraq qazırgı taŋda basqa amalymyz joq, būl jobany jüzege asyruymyz kerek. LRT-nyŋ qūrylysyn toqtatsaq, şyǧyn odan da köp bolady. Al balama jobalar joq. Jalpy, äkımdıkke Ükımetpen bırlesıp, Astananyŋ kölık jüiesın damytuǧa arnalǧan keşendı baǧdarlama äzırleudı tapsyramyn» dedı Prezident.
Äkımnıŋ aituynşa, jerüstı metropolitenınıŋ qūrylysyn aiaqtau jūmysy ötken jyly bastalǧan. «Ötken jyly Ükımet alǧaşqy qarjyny berdı. Biyl būl nysan qūrylysy belsendı jüredı. Qazır jūmysty pysyqtap, tehnika boiynşa, osy LRT-da jūmys ısteitın poiyzdar boiynşa avanstyq tölemder jürıp jatyr. Joba 2023-2024 jyl ışınde jüzege asyrylyp, kelesı jyldyŋ soŋyna deiın ıske qosyluy tiıs dep josparlanǧan» dedı şahar basşysy.
Elordadaǧy LRT qūrylysy 2019 jyly säuırde toqtatylǧan edı. 2020 jyldyŋ qaŋtarynda LRT-ǧa qatysty ıstı tergeu şaralary aiaqtaldy. Sol jyly qazanda ıs sot qarauyna joldandy. Sondai-aq byltyr 13 tamyzda astana prokuraturasy elorda äkımınıŋ būrynǧy orynbasary Qanat Sūltanbekov pen «Astana LRT» JŞS basqarma töraǧasy Talǧat Ardanǧa qatysty qylmystyq ıstıŋ sotqa joldanǧanyn habarlady. Bıraq, atalǧan ekı küdıktı qazırgı uaqytta qylmystyq qudalaudan boi tasalap jür.
Ötken jyly qazan aiynda Premer-ministr Älihan Smaiylov LRT qūrylysyna kezeŋ-kezeŋımen qosymşa qarajat böletının aitqan edı. Sondai-aq ükımet basşysy qūrylysty jalǧastyruǧa qosymşa 20 milliard teŋge bölıngenın de atap öttı.
