Memleket basşysy Qazaqstan Respublikasy Parlamentınıŋ ekınşı sessiiasynyŋ aşyluyna qatysty
Qazaqstan Respublikasy Parlamentınıŋ sessiiasyn aşqan Elbasy syndarly zaŋ şyǧaru dästürın jalǧastyru qajet ekenın atap öttı.
– Jaŋa zaŋdardy äzırleu men qabyldaudyŋ barlyq mäselelerı jönınde Ükımetpen tyǧyz ärı üilesımdı özara ıs-qimyl jürgızu qajet. Osy oraida, zaŋdar tiianaqty ärı sapaly äzırlengen boluy tiıs. Äsırese Senat pen Mäjılıs deputattarynyŋ halyqqa jaŋa zaŋnamanyŋ maqsattary men mındetterın jetkılıktı türde tüsındırudegı rölın arttyru maŋyzdy, – dedı Nūrsūltan Nazarbaev.
Qazaqstan Prezidentı älemdık ekonomika men saiasattaǧy kürdelı jaǧdaiǧa nazar audardy.
– Älemdegı köptegen ekonomikasy damyǧan jäne damuşy memleketter qiyndyqty bastan keşude. Elder arasyndaǧy investisiia aǧynynyŋ kölemı azaidy. Bız älemdık ekonomikanyŋ bölıgı bolǧandyqtan, mūnyŋ bärı Qazaqstandaǧy jaǧdaiǧa da kerı äserın tigızude. Osyndai jaǧdaida Ükımet pen Ūlttyq banktıŋ daǧdarysqa qarsy ıs-qimyl josparynyŋ ıske asyryluy jalǧasa beredı, ol jaŋa şaralarmen uaqtyly tolyqtyrylyp otyrady, – dedı Nūrsūltan Nazarbaev.
Memleket basşysy deputattyq korpusty alda auqymdy jūmys kütıp tūrǧanyn aitty.
– Jaŋa sessiianyŋ aiasynda Sızderge 50 şaqty zaŋ jobasyn talqylap, qabyldau qajet. 7 jaŋa zaŋdy qabyldauǧa deputattar bastamaşylyq ettı jäne ony Ükımet qoldady. Būl bastamalar – deputattyq korpustyŋ joǧary käsıbilıgınıŋ aiqyn dälelı. Ötken sessiia aiasyndaǧy 28 joba boiynşa talqylau üderısı bastaldy, – dedı Qazaqstan Prezidentı.
Būdan bölek, Nūrsūltan Nazarbaev Parlament Palatalary qyzmetınıŋ barynşa jariialy boluy qajettıgıne toqtaldy.
– Zaŋdardy qabyldaudyŋ qajettıgı men bükıl qisyny qazaqstandyqtarǧa aiqyn ärı tüsınıktı bolǧany maŋyzdy. Küzgı sessiiadan bastap Senat pen Mäjılıs jūmysynyŋ, sondai-aq Parlament Palatalarynyŋ bırlesken otyrystarynyŋ tıkelei onlain-körsetılımın engızu būǧan septıgın tigızetın bolady. Sonymen qatar, zaŋ şyǧaru üderısınıŋ aiasyn keŋeitu qajet. Jobalardy äzırleu kezeŋınde oǧan qoǧamdyq sarapşylar, parlamenttık emes partiialar men ükımettık emes ūiymdar jäne BAQ ökılderın tartu kerek. Halyqty aldyn-ala aqparattandyru jäne tiıstı qūqyqtyq jaŋalyq-özgerısterdı qoǧamdyq talqylau jönındegı EYDŪ elderınıŋ täjıribesın belsene qoldanu kerek, – dedı Elbasy.
Sözınıŋ soŋynda Nūrsūltan Nazarbaev jinalǧandardy kezektı parlamenttık sessiianyŋ bastaluymen qūttyqtap, zor densaulyq jäne jemıstı jūmys tıledı.
