El Täuelsızdıgınıŋ 30 jyldyǧyna orai elordada «Teŋ qoǧam» oŋaltu ortalyǧy aşyldy, onda erekşe qajettılıgı bar balalar mamandardyŋ sapaly qyzmetın tegın ala alady. Jobany elorda äkımdıgı men «Baqytty şaŋyraq» qory jüzege asyrdy. Ortalyqtyŋ aşyluyna Nūr-Sūltan qalasy äkımınıŋ orynbasary Ashat Oralov qatysty.
«Täuelsızdık künı qūtty bolsyn! Ata-analar men balalardy merekemen şyn jürekten qūttyqtaimyn! 30 jyl ışınde bız ülken jetıstıkterge jettık. Bıraq özektı mäseleler älı de köp. Sondyqtan bız onyŋ da şeşımın tabu üşın bırıgıp jūmys ıstegımız keledı. Ärbır janūiaǧa zor densaulyq, amandyq jäne tabys tıleimın!» dedı A.Oralov.
«Teŋ qoǧam» ortalyǧy mügedek balalary bar otbasylar üşın arnaiy aşyldy. Jaŋa tuǧan balalar men 18 jasqa deiıngı balalarǧa kömektesemız. Mūnda bılıktı mamandar bar. Ortalyqta segız assistent jūmys ısteidı. Olar är otbasynyŋ jaǧdaiyn bıledı jäne olarǧa kömektesedı» dedı atalmyş ortalyq jetekşısı Saltanat Raqyşeva.
Ortalyqty aşudyŋ maŋyzdylyǧyn ata-analar da atap öttı. Būl ortalyq – köpşılık üşın ülken kömek, öitkenı mūnda balalar logopedtermen, psihologtarmen tegın jūmys ısteidı, sauyqtyru massajyn, emdık dene şynyqtyrudy alady jäne Montessori ädıstemesı boiynşa oqytylady.
Memleket basşysynyŋ tapsyrmasy boiynşa elordada oŋaltu ortalyqtarynyŋ jelısı aitarlyqtai keŋeitıldı. Biyl jazda köru qabıletı būzylǧan balalarǧa arnalǧan mamandandyrylǧan balabaqşa aşyldy. Qala audandarynda 29 «Üi maŋyndaǧy därıger» nysany aşyldy, invataksi sany 2 ese artty. Jaŋa üilerdıŋ bırınşı qabatynda «qadamdyq qoljetımdılık» qaǧidaty boiynşa balalarǧa arnalǧan şaǧyn ortalyqtar, oŋaltu ortalyqtary, balabaqşalar, medisinalyq ortalyqtar jäne t. b. aşylady. Būdan basqa, ötken jyly elordada BSP, autizm, Daun sindromy jäne t. b. diagnozy bar balalardy oŋaltumen ainalysatyn bırqatar ırı oŋaltu ortalyqtary aşyldy. Mysaly, «Asyl miras» jaŋa autizm ortalyǧy autistık spektrdıŋ aurulary bar balalardy 50 paiyzǧa köbırek qamtuǧa mümkındık berdı. Tūŋǧyş Prezident qory men «Samūryq-Qazyna» AQ qoldauymen №1 qalalyq balalar auruhanasy bazasynda ötken jyldyŋ küzınde «Qamqorlyq» oŋaltu ortalyǧy aşyldy, ol jyl saiyn sal auruyna şaldyqqan 600-ge juyq balany tegın medisinalyq kömekpen qamtuǧa mümkındık beredı.
