Qaraǧandylyqtar qymyzymen qyzdyrdy
Astana qalasynda qalyptasqan igı dästürdıŋ bırı – el aimaqtarynyŋ auyl şaruaşylyq järmeŋkelerı bolyp otyr. Qalanyŋ ortalyq alaŋynda senbı-jeksenbı künderı ötetın azyq-tülık saudasyna elordalyqtar erte qamdanatyn bolypty. Olai deitınımız, järmeŋkege kelgen halyqtyŋ qarasy taŋerteŋnen keşke deiın üzılmeidı.
Ötken demalys künderı astanalyq tūtynuşylar Qaraǧandy oblysynyŋ järmeŋkesıne jinaldy. Bırden aitqymyz keledı, kenşıler aimaǧynyŋ tartuy tolaiym boldy. Qala äkımdıgı aldyndaǧy keŋ alaŋda jasaqtalǧan 85 sauda şatyrynyŋ bärınde kezekte tūrǧan tūtynuşylardy baiqadyq. Alystan köz tartqan üş kiız üi järmeŋkenıŋ sänın de, mänın de aşa tüsken.
Järmeŋke barysyn Astana qalasynyŋ äkımı İ.Tasmaǧambetov pen Qaraǧandy oblysynyŋ äkımı Ä.Qūsaiynov aralap körıp şyqty. Jalpy, Qaraǧandy oblysynyŋ şaruaşylyqtary 800 tonna auyl şaruaşylyq önımderın äkelgen eken. Äsırese, et önımderı köp bolǧanyn aŋǧardyq. Sondai-aq, süt, nan taǧamdary da jetıp-artylǧanyn kördık.
Qaraǧandylyqtar järmeŋkenı merekege ainaldyryp jıbergendei bolyp körındı. Olai deitınımız, qajetınşe azyq-tülıgın alyp, köŋılderı köterılgen astanalyqtar üşın «Qymyz jäne bauyrsaq festivalı» ötkızıldı. Mūnda bırımen bırı jarysqan oblys audandary özderınıŋ qymyzy men bauyrsaǧyn halaiyqqa ūsyndy. Qymyzdyŋ qyzuy, bauyrsaqtyŋ buy astanalyqtardyŋ köŋılın tıpten köterıp jıberdı. Sonymen qatar järmeŋke barysynda ūiymdastyrylǧan Qaraǧandy ölketanu mūrajaiy men qolöner şeberlerınıŋ körmesı de köpşılıktıŋ köŋılınen şyqty.
Osylaişa, azyq-tülık järmeŋkesın merekege ūlastyra bılgen qaraǧandylyqtarǧa elordalyqtar riza boldy. Al aldaǧy demalys künderı Aqmola oblysynyŋ järmeŋkesın kütemız.
Ǧalym QOJABEKOV