Elordanyŋ Almaty audanynda Qarttar künıne arnalǧan şaralar jalǧasuda. Sonyŋ bırı – «Altyn adam» meiramhanasynda ūiymdastyrylǧan merekelık dastarqan. Astanalyq qarttardy bır dastarqan basyna jinap, syi-qūrmet körsetken Almaty audanynyŋ äkımdıgı. Bügınde audanda 14 myŋǧa juyq qariia tūrady eken. «Almaty audany äkımınıŋ apparaty ardagerler keŋesımen, «Nūr Otan» HDP Astana qalalyq jäne Almaty audandyq filialymen bırlese otyryp, 200-ge juyq qariiaǧa dastarqan jaiyp otyrmyz. Halqymyz qaşanda aqsaqalyn ardaqtap, ülken ıs bastarda sol kısılerden bata alǧan. Mıne, bızdıŋ de negızgı maqsatymyz – ülkenderge qūrmet körsetu. Sızderdıŋ ömırlık ūstanymdaryŋyz jastarǧa ülgı, tärbielık maŋyzy joǧary. Ärdaiym aman-esen bolyŋyzdar!» degen audan äkımı Bekbol Saǧyn qariialardy mereilı merekemen qūttyqtady. Qazaq ūlttyq öner universitetınıŋ, gumanitarlyq kolledjdıŋ jäne muzykalyq mekteptıŋ önerpazdary ata-äjelerge arnalǧan konsert qoidy.
Jalpy, Almaty audanynda qariialarǧa arnalǧan merekelık şaralar özge de mekemelerde jalǧasyn tabuda. «Astana Tazalyq», «Astana Kögaldandyru qūrylysy», «Astana su arnasy», «Astana-önım» jäne taǧy basqa käsıporyndar men eŋbek ūjymdarynda ardagerlerge dastarqan jaiylyp, syilyqtar tabys etıldı.
Mereke «İnternasionalnyi» tūrǧyn alabynda elordalyq käsıpkerlerdıŋ qoldauymen «Taǧam» meiramhanasynda bastalǧan edı. Odan keiın «Promyşlennyi» men «Jeleznodorojnyi» kentterındegı ata-äjeler de eskerusız qalmady. «Zeid» oiyn-sauyq ortalyǧynyŋ ūjymy jalǧyz basty qariialar men mügedekterge, üide äleumettık kömek körsetu bölımşelerınıŋ qarauyndaǧy 50 qariiaǧa qaiyrymdylyq as berıp, merekelık baǧdarlama ūsyndy. Al, Astana qalasy mäslihatynyŋ deputaty E.Bekışev «Aq jaiyq» dämhanasynda 70 zeinetkerge dastarqan jaidy.
Gülmira ŞARHANQYZY
