«Biudjettık jobalardyŋ qymbattauy tärızdı būrynnan kele jatqan problemany şeşken jön. Jobalyq qūn kölemınıŋ ūlǧaityluy 2012 jyly 40 milliard teŋgege, al biyl 60 milliard teŋgege jetken. Memleket basşysynyŋ pıkırınşe, jobalyq-smetalyq qūjattamany äzırleu men qarau töŋıregınde kümändı biznes salasy qalyptastyrylǧan», – Aqorda ötken ükımettıŋ keŋeitılgen otyrysy kezınde memleket basşysy Nūrsūltan Nazarbaev biudjettık jobalardyŋ qymbattauyna qatysty syn aitqany belgılı. Prezident: «Tenderde merdıgerdı taŋdau kezeŋınde töreşıldık pen ysyrapşyldyq bastalady. Mıne, qūrylys baǧasy ösuınıŋ, infliasiianyŋ şaryqtap ketuınıŋ sebebı osynda», – degen edı. «Köbınese bırkelkı nysandar ärtürlı baǧa boiynşa salynuda. Aqmola oblysynda 1200 oryndyq mekteptıŋ qūny 900 oryndyq mektepke qaraǧanda 219 mln. teŋgege arzan baǧaǧa salynǧan. Aqtöbe qalasynda bır jylda bırdei mektepter qūrylysy qūnynyŋ aiyrmaşylyǧy 130 mln. teŋge bolǧan, al Atyrau oblysyndaǧy bırdei emhanalar qūrylysyna jūmsalǧan şyǧyn qūnynyŋ aiyrmaşylyǧy 400 million teŋgeden asqan. Baqylauşy organdar mūndaiǧa qalai jol beredı? Men qanşama ret tek tiptık mektepter men auruhanalar saluǧa tapsyrma berdım, – dedı Memleket basşysy.Būl rette Nūrsūltan Nazarbaev jyljymaityn mülık nysandaryn satyp alu barysynda onyŋ baǧasyna tiıstı baqylaudyŋ joq ekenıne nazar audardy. Prezidenttıŋ osy synyna qatysty eseptı bügın qarjy ministrı Bolat Jämışev OKQ baspasöz mäjılısı kezınde egjei-tegjei baiandap berdı. «Atyrau oblysyndaǧy osy emhanalarǧa keletın bolsaq – olardyŋ bıreuı jer qoinauyn paidalanuşy şart boiynşa öŋırdı äleumettık damytuǧa böluge tiıstı qarjyǧa salyndy, dedı bügın OKQ brifingınde QR Qarjy ministrı Bolat Jämışev, jurnalisterdıŋ sūraqtaryna jauap bere kelıp.
«Būl sūraq osy mındetterdıŋ aqşalai ekvivalentte oryndalyp, jergılıktı biudjetke audaryluy turaly köterılıp otyr. Sebebı, mūnymen jer qoinauyn paidalanuşynyŋ özı ainalysqan kezde, oǧan 2 emhana nemese 2 balabaqşa emes, jaqsy bıreuın salyp, sonymen öz mındetınen qūtylu jeŋılırek bolady», – dep tolyqtyrdy Jämışev. «Nysandardyŋ qymbatşylyǧy mäselesı – osyndai äleumettık nysandardyŋ oŋtaily parametrlerıne beiımdelu – tūraqty tiptık ülgıdegı jobalarǧa qarai otyryp şeşıluı tisı. Būl osynyŋ negızınde basqa da nysandardyŋ salynuyna sebep bolady. Memleket basşysy öte dūrys aityp öttı, öitkenı tiptık jobalar da ünemı qaita qaralyp otyruy kerek, öitpese qūrylys salasyna aldyŋǧy qatarly tehnologiialardy engızu mümkın bolmai qalady. Bırdei kölemdegı ekı nysannyŋ baǧasynda qandai tehnologiialardy qoldanǧandyǧyna qarai qatty aiyrmaşylyq boluy mümkın, sondyqtan da jobalar arzandai tüsuı üşın zamanaui tehnologiialardy eskerıp otryu qajet. Bızde jobalyq-smetalyq qūjattar qūrylys qūnynyŋ prosentıne qatysty anyqtalady, JSQ daiyndau kezendegı baǧajasam mäselesın retke keltıru üşın osy sūraqty da talqylau kerek. Sebebı jobalauşylarda anaǧūrlym arzanyraq tiımdı nūsqalar ūsynuǧa degen ekonomikalyq ynta boluy qajet», – dedı sala basşysy.