Elbasy Qazaqstanǧa memlekettık saparmen kelgen Qyrǧyz Respublikasynyŋ Prezidentı Almazbek Atambaevpen kezdestı.
Şaǧyn qūramdaǧy kezdesu barysynda sauda-ekonomikalyq, investisiialyq, otyn-energetikalyq, kölık-tranzittık jäne mädeni-gumanitarlyq salalardaǧy yntymaqtastyqty nyǧaitu mäselelerı talqylandy.
Memleket basşylary halyqaralyq kün tärtıbındegı özektı jaittar men halyqaralyq ūiymdar aiasyndaǧy özara ıs-qimyl mäselelerı jönınde de pıkır almasty.
Sonymen qatar, Nūrsūltan Nazarbaev pen Almazbek Atambaev Euraziialyq ekonomikalyq odaq aiasyndaǧy integrasiialyq ürdısterdıŋ negızgı damu baǧyttary turaly söz qozǧady.
Memleket basşysy Qazaqstannyŋ Qyrǧyzstanǧa qajettı kömek pen qoldau körsetuge daiyn ekenın aitty.
– Qazaq pen qyrǧyz – ejelden bauyrlas halyqtar. Bız Qyrǧyzstandaǧy oqiǧalardy jıtı baqylap otyrmyz. Sızdıŋ bügıngı saparyŋyz jäne onyŋ barysynda qol qoiylatyn qūjattar elderımızdıŋ arasyndaǧy joǧary deŋgeidegı qarym-qatynastardyŋ aiǧaǧy bolyp sanalady, – dedı Qazaqstan Prezidentı.
Nūrsūltan Nazarbaev sonymen bırge Qyrǧyzstan Prezidentınıŋ sapary älemde qalyptasqan kürdelı geosaiasi ahual jaǧdaiynda ötıp jatqanyn da atap aitty.
– Auǧanstanda jäne Siriiada bolyp jatqan oqiǧalar, Resei men Batys arasyndaǧy kelıspeuşılıkter bızdıŋ elderımızge äser etude. Bız aldymyzda tūrǧan barlyq mäselelerdı bırlesken küş-jıgermen şeşuge tiıspız. Qazaqstan men Qyrǧyzstan öz yntymaqtastyǧy arqyly özge elderge ülgı körsetuı kerek, – dedı Memleket basşysy.
Öz kezegınde Almazbek Atambaev Qyrǧyz Respublikasyna Qazaqstannyŋ körsetıp otyrǧan qoldauy üşın Nūrsūltan Nazarbaevqa alǧysyn aitty.
Memleket basşysy, sondai-aq, kezdesu barysynda A.Atambaevqa elderımızdıŋ arasyndaǧy dostyqty damytuǧa qosqan ülesı üşın I därejelı «Dostyq» ordenın tapsyrdy.
akorda.kz
