Astana qalasy Qoǧamdyq keŋesınıŋ otyrysynda bırqatar mäseleler qaraldy. Negızgı mäsele – şaharda qoǧamdyq qauıpsızdıktı qamtamasyz etu jūmysy jaiynda qalalyq Polisiia departamentı bastyǧynyŋ orynbasary Ǧosman Jakin baiandama jasady.
Baiandamaşy elordanyŋ Almaty audany aumaǧynda «Qazaqstan polisiiasynyŋ servistık modelı» qanatqaqty jobasy ıske qosylǧanyn atap öttı. Onyŋ maqsaty – azamattarǧa polisiia tarapynan sapaly qyzmet körsetu, qauıpsızdık mäselelerın qoǧammen bırıgıp şeşu.
– Joba ıske qosylǧan uaqyttan uchaskelık inspektorlardy tūrǧyndardyŋ tanu körsetkışı 3 esege juyq östı. Olardyŋ jūmysy jaily aqparattyq materialdar köbeidı. Qazır uchaskelık inspektorlar tūrǧyndarmen jūmysqa köbırek uaqyt böletın boldy. Biyl būl jobany Saryarqa audany aumaǧynda ıske qostyq, – dedı Ǧ.Jakin.
Onyŋ aituynşa, «Polisiianyŋ qadamdyq qoljetımdılıgı» qaǧidasy engızılıp jatyr. Sonyŋ arqasynda polisiia qyzmetkerlerı qoǧamdyq oryndarda ünemı tabylady. Amanat partiiasynyŋ baǧdarlamasy aiasynda modul tiptegı polisiianyŋ 10 stasionarly beketı ornatyldy. Uchaskelık punktterge arnalǧan ǧimarattar sany 27-den 42-ge artty. Aldaǧy üş jylda olardyŋ sanyn ekı esege arttyru josparlanǧan. Uchaskelık inspektorlarǧa, patrul polisiiasy polkı men arnaiy batalonǧa arnalǧan 94 avtokölık satyp alyndy. 2025 jylǧa deiın taǧy 183 avtokölık satyp alu közdelgen.
– Beinebaqylau jüiesın jaŋǧyrtu jäne aşyq platformaǧa ötu aiasynda beinekameralarmen qamtu aimaqtary boiynşa arnaiy joba ıske asyrylyp jatyr. Polisiia departamentınıŋ Jedel basqaru ortalyǧyna qalanyŋ ärtürlı nysandarynan 28 myŋnan astam beinekamera qosyldy. Sol arqyly qylmystar aşylyp, qūqyqbūzuşylyqtar äşkere boluda. Biyl densaulyq saqtau, bılım nysandarynan, adamdar köp jinalatyn jerlerden, äuejai men temırjol vokzaldarynan osy ortalyqqa taǧy 4 myŋnan asa beinekamera qosylǧan. Balalardyŋ qauıpsızdıgın qamtamasyz etu jäne kez kelgen qūqyqbūzuşylyqqa qarsy äreket etu maqsatynda 218 bılım nysanynan 5014 beinekamera men 202 «SOS» dabyl batyrma Jedel basqaru ortalyǧyna aqparat jıberedı, – dedı departament bastyǧynyŋ orynbasary.
Qoǧamdyq keŋes müşelerı polisiia jūmysyna qatysty köptegen mäselelerdı köterıp, ūsynystaryn jetkızdı. Syn da aityldy. Keŋes müşesı Sapar Ahmetov Almaty audany äkımı kezınde öz täjıribesımen bölıstı. Sonyŋ ışınde tärtıp saqşylary men PİK-termen jūmys, mektepterdegı qauıpsızdıktı qorǧau jaiynda aitty.
– Polisiia qyzmetkerlerınıŋ intellektualdyq deŋgeiın köteru kerek. Halyqpen jūmysty küşeitıp, eŋ bastysy, halyqtyŋ senımıne ie bolu qajet, – dedı Sapar Ahmetov.
Jiynda qalalyq Jūmyspen qamtu jäne äleumettık qorǧau basqarmasynyŋ basşysy İlia Skub üige gaz qosuǧa äleumettık kömek berıletın sanattardy keŋeitu josparlanyp otyrǧanyn jetkızdı. Būl sanatqa jetım jäne ata-ana qamqorlyǧynsyz qalǧan balalar, balalar üiınıŋ tülekterı, jas boiynşa zeinetkerler, mügedek adamdar men balalar, köpbalaly analar men köpbalaly otbasylar qosylmaq.
Sondai-aq basqarma basşysy Astana qalasyndaǧy joǧary oqu oryndaryndaǧy kündızgı oquǧa azamattardyŋ jekelegen sanattaryna äleumettık kömek beruge qatysty özgerıspen tanystyrdy. Onyŋ aituynşa, būdan būryn granttar sūranysqa ie mamandyqtardy igeruge berıletın. Endı granttar tiıstı sanatqa jatatyn abiturienttıŋ jany qalap tūrǧan mamandyǧyna berılmek.
Otyrysta qalalyq Tılderdı damytu jäne arhiv ısı basqarmasynyŋ basşysy Säken Esırkep qalanyŋ onomastika komissiiasy men qalalyq mäslihat maqūldaǧan keibır qūramdas bölıkterge atau beru men qaita atau jobasymen tanystyrdy.
