Ata-analar men ūstazdar Astanadaǧy Ǧali Ormanov atyndaǧy №7 mektep-gimnaziiasy maŋaiyn jaryqtandyrudy, al №8 orta mekteptıŋ maŋyna qauıpsızdık maqsatynda baǧdarşam ornatudy sūrap otyr. Keşe būl mäseleler qalalyq mäslihattyŋ Zaŋdylyq, qūqyqtyq tärtıp jäne qoǧammen jūmys mäselelerı jönındegı tūraqty komissiianyŋ otyrysynda köterıldı.
Jiynda Astana qalasy IID Jergılıktı polisiia qyzmetınıŋ basşysy Baqytjan Malybaev elordada qylmys jäne sybailas jemqorlyqqa qarsy qūqyq qorǧau organdary qabyldaǧan şaralar jönınde baiandady. Mektepter jönındegı mäselege qatysty ol: «Taŋerteŋ №8 orta mekteptıŋ janynda polisiianyŋ jol retteuşı qyzmetkerınıŋ tūratynyn künde köremın. Baǧdarşam qoiu jaiynan da habardarmyz. Būl jaǧy qarjylandyruǧa tırelıp otyr. Al №7 mektep-gimnaziiasy mäselesın audan äkımdıgımen bırlesıp qaraimyz. Qorytyndysy turaly bıletın bolasyzdar» dep jauap berdı.
Sondai-aq, baiandamaşy kadr tapşylyǧy mäselesın qozǧady. Onyŋ aituynşa, Jergılıktı polisiia qyzmetınde kadr tūraqtamaidy. Jalaqynyŋ azdyǧynan, baspananyŋ joqtyǧynan qyzmetkerlerdıŋ köbı basqa jūmysqa auysyp jatyr. Būl qyzmetke adamdar köbınese basqa aimaqtardan kelıp ornalasady eken. «Qyzmetkerlerımızdıŋ 15 paiyzy ǧana Astananyŋ nemese onymen körşıles ornalasqan Aqmola oblysynyŋ tumalary. Polisiiaǧa qyzmetke negızınen elordaǧa alys öŋırlerden keletınder ornalasuda. Ärine, baspana mäselesı tuyndaidy. Qyzmetkerlerımızge 10 päter berılgen bolatyn. Alaida ol azdyq etıp tūr. 60-70 myŋ teŋge jalaqyǧa päter jaldau qiyn» degen ol atalǧan mäselelerdı şeşıp beruın sūrady.
Sondai-aq, otyrysta Astana qalasynyŋ aumaǧynda qūrylys salu mäselelerındegı tüitkıldı qalalyq prokuratura ökılı jetkızdı. Köterılgen mäselelerdıŋ qatarynda memleket mūqtajy üşın jer telımderın nemese özge mülıkterdı satyp alu şarttardyŋ jobalaryn kelısu boldy. Būǧan qatysty jaǧdaimen Astana qalasynyŋ Tūrǧyn üi basqarmasynyŋ basşysy Ruslan Ahmetov pen qalalyq Avtomobil joldary basqarmasynyŋ basşysy Ashat Qaraǧoişin tanystyrdy.
Amanǧali QALJANOV
