1941-1945 jyldardaǧy Ūly Otan soǧysynyŋ jeŋıspen aiaqtalǧanyna aldaǧy jyly 70 jyl tolady. Būl adamzat tarihyndaǧy eŋ auyr soǧys bolǧany belgılı. Aumaǧy jaǧynan būl qyrǧyn düniejüzılık sipatqa ie boldy. Qūrbandardyŋ sany jaǧynan da joǧary tūr. Tek bır ǧana Keŋes odaǧynyŋ özınen 20 millionnan astam adam qaza boldy. Sondyqtan būl soǧysty ūmytu mümkın emes. Oǧan qatysqan jauyngerlerdı, tylda janqiiarlyqpen eŋbek etken eŋbekşılerdı ardaqtau ärbır ūrpaq üşın abyroily mındet bolyp tabylady.
Qazırgı kezde memleket tarapynan soǧys ardagerlerıne, olardyŋ otbasyna, tyl eŋbekkerlerıne jäne sol kezde kämeletke jetpesten jūmys ıstegen jas balalarǧa da köŋıl bölınıp, ärtürlı jeŋıldıkter jasalynyp jatyr. Osy jerde myna jaidy eske alu kerek: soǧysta qaza bolǧan jauyngerlerdıŋ köpşılıgınıŋ artynda balalary qaldy. Jastaiynan jetımdık körıp, auyrtpalyqpen arpalysqan būl balalar qalai östı? Bır jaǧynan äkelerınen aiyrylsa, ekınşı jaǧynan ömır tauqymetın köp körgen mūndai balalardyŋ köbı oquda da, ömırde de köp närseden qaǧyldy. Sol kezde jetım qalǧan balalardyŋ ışınde pätersız jürgenderı de joq emes. Jastary ūlǧaiǧan sol azamattar qazır qoldauǧa zäru.
Bügıngı beibıt zamanda tuǧan jetım balalarǧa päter berılıp, basqa da jeŋıldıkter jasalyp jatqany belgılı. Al, soǧysta jetım qalǧan balalardyŋ jaǧdaiy älı de ūmyt qaluda. Sondyqtan, soǧystyŋ saldarynan jetım qalǧan balalarǧa ükımet tarapynan laiyqty därejede köŋıl bölınse eken deimın.
Quanyşbek KERIMQŪLOV,
Astana qalasynyŋ tūrǧyny
Öte öte dūrys aitylǧan aǧa. Menıŋ marqūm əkem Elemesov Jaqypbai balalyq şaǧy ūrys kezınde qiynşylyqpen ötken. Odan soraqysy əkesınen jəne onyŋ artynan soǧysqa attanǧan əkesınıŋ ekı ınısınen iaǧni aǧalarynan aiyrylyp şeşesımen ömırdıŋ bar tauqymetın tartqan.