Elordada «Dın – tärbienıŋ ruhani tıregı» atty taqyrypta Qoǧamdyq tamaqtandyru jäne servis kolledjınıŋ studentterımen kezdesu öttı.
Nūr-Sūltan qalasynyŋ Jastar saiasaty mäselelerı basqarmasy jäne Nūr-Sūltan qalasy äkımdıgınıŋ «Astana jastary» KMM ūiymdastyruymen ötken şarada Nūr-Sūltan qalasy Dın ısterı basqarmasynyŋ basşysy Nūrdäulet İmanälıūly jastardyŋ kökeiındegı köptegen saualdarǧa jauap berdı. Dınnıŋ qoǧam men memlekettı ortaq qūndylyqtar töŋıregıne toptastyratyn senım boluymen qatar, bır mezgılde äleumettık alauyzdyqtar da tuǧyzatyn näzık orta ekenı, qoǧamdaǧy türlı alauyzdyqtyŋ denı dıni sauatsyzdyqtan paida bolyp jatatyny tılge tiek etıldı.
– Sondyqtan memleket pen qoǧamǧa jüktelgen mındetterdıŋ bırı dınge qyzyǧuşylyq tanytqan toptyŋ basym bölıgı bolyp tabylatyn jastardyŋ boiynda ūlttyq sana men dıni tanymdyq pozisiiasyn qalyptastyru kerek, – dedı basqarma basşysy. Sonymen qatar ol kümändı dıni qoǧamdastyqtarǧa jazylu, destruktivtı materialdardy taratu, basqa platformalarǧa jıberu, reposttar Äkımşılık qūqyq būzuşylyq turaly kodekstıŋ 453 jäne 490-baptarynyŋ būzyluyna äkeletının atap öttı.
Bauyrjan SEGIZBAEV
