Halyqtyŋ äleumettık jaǧdaiyn jaqsartu – bilıktıŋ bırınşı kezektegı mındetı. Osy oraida tūrǧyndardyŋ ötınışın janaşyrlyqpen oryndaǧan azamattarǧa alǧys aitudy jön kördım.
Elordanyŋ tūrǧyny, Almaty audandyq Ardagerler ūiymynyŋ belsendı müşesı retınde biylǧy jazda qala ırgesındegı 41-razezge jüretın № 304, 322 jäne 316 qoǧamdyq avtobustary soŋǧy jyldary tūrǧyndary kürt ösıp, säikesınşe tūrǧyn üilerı köbeiıp bara jatqan «Nūrly» eldı mekenınde aialdama aşudy sūrap Astana qalasynyŋ Kölık jäne jol-kölık infraqūrylymyn damytu basqarmasyna, Almaty audanynyŋ äkımdıgıne, sondai-aq būrynǧy industriia ministrlıgıne hat joldap, kömek sūraǧan edım.
Būryn Astanadan jüretın avtobustar «Nūrly»-ǧa toqtamai öte şyǧatyn, al ülken joldyŋ boiynan tüsıp qalǧan adamdarǧa 3-4 şaqyrym jüruge tura keletın. Būl jaǧdai köktem, küz jäne qys mezgılınde öte qiyn bolatyn edı. Äsırese, balalar üşın qauıptı de bolatyn.
Endı, mıne, eldı mekennıŋ būl jaǧdaiy şeşımın tapty, ötınışımız oryndaldy. Avtobustar toqtaityn boldy, aialdama jasaldy.
Osy mäselenı şeşuge ministrlıktıŋ jol basqarmasy bölımınıŋ mamany Erjıgıt Seiıtjappar, Almaty audany äkımdıgınıŋ aǧa inspektory Madiiar Toqpaqov, «Qazavtojol» kompaniiasynyŋ direktory Nūrjan Ömırzaqov, jetekşı qyzmetkerlerı Janmūrat Bektūrǧanov, Abylai Qamzin, STS kompaniiasynan Naǧaşybai Şalmanov, Astana qalasy äkımdıgınıŋ Kölık jäne jol-kölık infraqūrylymyn damytu basqarmasynan Baiyrjan Taibergenov tūrǧyndar atynan berılgen ötınışımızdı dūrys tüsınıp, oq şeşımın qabyldauǧa kömektestı. Osy azamattardyŋ bärıne ülken rizaşylyǧymdy bıldıremın. Densaulyqtarynyŋ myqty, eŋbekterınıŋ jemıstı boluyna tılektespın.
Halyqtyŋ müddesın tüsınetın osyndai basşylar men mamandarymyz köp bolsa eken deimın.
Zeinegül BLİKOVA,
Astana qalasy
Almaty audandyq Ardagerler ūiymynyŋ müşesı
