Qazırgı älemde bolyp jatqan qarqyndy özgerıster elımızdegı bılım beru jüiesın de beijai qaldyrmauda. Pedagog bılım aluşylar men tärbielenuşılerdıŋ ömırlık daǧdylaryn, qūzyretterın, özdıgınen jūmys ısteuın, şyǧarmaşylyq qabıletterın damytuǧa jäne salamatty ömır salty mädenietın qalyptastyruǧa mındettı.
Ol üşın älemdık bılım beru jüiesındegı jürgızılıp jatqan reformalardy taldap, solardyŋ ışınen oŋ nätije bergen, bızdıŋ halyqtyŋ mentalitetıne jaqyn, ūlttyq qūndylyqtarymyzǧa qaişy kelmeitın täjıribenı taŋdauymyz kerek. Maǧjan Jūmabaev öz eŋbegınde «Bala tärbiesı – bır öner, öner bolǧanda auyr öner, jeke bır ǧylym iesı boludy tıleitın öner. Balany dūrys tärbie qylu üşın ärkımnıŋ öz täjıribesı jetpeidı. Basqa adamdardyŋ täjıribesımen tanysu kerek. Sol basqa adamdardyŋ maidanyndaǧy täjıribelerın körsetken jeke bır pänmen, iaǧni tärbie pänımen tanys bolu kerek» degen bolatyn.
Üş jyl qatarynan mektebımız LS boiynşa nätijelı jūmys jasauda. Mektepte 15 jūmys toby qūrylyp, osy toptarǧa jetekşılık jasauǧa, jūmysty üilestıruge deŋgeilık kurstardan ötken (ılgerı jäne ekınşı deŋgei) 15 supervaizer taǧaiyndaldy. Osylaişa ūjymnyŋ 100 paiyzy LS tobyna tartyldy. Oilastyra kele, aiyna bır ret sabaqty zertteu künı taǧaiyndaldy. Osy uaqytta barlyq mektepte jappai bır mezgılde zertteu sabaqtary öttı. Kelesı künı fasilitatordyŋ (är sabaqta fasilitator auysyp tūrady) jetekşılıgımen sabaq taldanyp, syndarly kerıbailanys berılıp, aldaǧy sabaqty josparlau jüzege asty.
Josparlanǧan 90 sabaq tolyq öttı. Nätijesınde zertteu synyptaryndaǧy bılım sapasy 1,8-4% aralyǧynda köterıldı. Aqpan aiynda supervaizerler esebı tyŋdalyp, täjıribe almasu boldy.
2019-2020 oqu jylynda Astana qalasy boiynşa SHARE jobasyndaǧy qanatqaqty mektepter qataryna bırneşe bılım ordasy ırıkteldı. Onyŋ arasynda Älihan Bökeihan atyndaǧy №76 mektep-liseiı de bar. Alty ai ışınde üş workshop öttı. Is-ärekettegı zertteudı ūiymdastyru jäne ony jüzege asyru, jüiege ainaldyru, baǧamdap otyru üşın bırlese jūmys jasau, kollaborativtık orta qūru maŋyzdy. Endıgı mäsele LS-dı AR arqyly jüzege asyru boldy. Ol üşın LS synyptarynyŋ ışınen 5a jäne 5g synyptaryn AR boiynşa fokus toptary retınde taŋdap alyndy. Būl ekı synypqa sabaq beretın barlyq pän mūǧalımderı, SHARE jobasynyŋ 5 jetekşısı men 13 erıktılerı aptasyna 1 ret bas qosyp, synyptaǧy jalpy ahual men baiqaǧan özgerısterdı ortaǧa salyp, kelesı qadamdy josparlap otyrdy. Būl jūmys älı de jalǧaspaq.
Kembridj universitetımen bırlese jüzege asyp jatqan SHARE jobasy är pedagogtyŋ bılıktılıgın köterıp qana qoimai, jūmysyna degen közqarasyn özgerttı.
Sabaqty zertteuden ıs-ärekettı zertteuge ötkennen berı pedagogtar qauymdastyǧy aşyqtyq prinsipınde jūmys jasauǧa köştı. İdeialar bazasy keŋeiude. Mūǧalımder bırın-bırıne syndarly kerıbailanys beruge jäne ony dūrys qabyldauǧa maşyqtanǧan. LS men SHARE jobasyndaǧy är mūǧalım özgerıstı özınen bastap, sol energetikasyn jan-jaǧyna şaşuda. Sonyŋ arqasynda bılım aluşylarda da köptegen özgerıster baiqaldy. Pän mūǧalımı men oquşy arasynda yntymaqtastyq orta ornady, nätijesınde sabaqqa belsendılık artty, oquşylar taqyrypqa qatysty oilaryn bıldırıp, öz pıkırlerın faktıler keltıre otyra däleldeitın deŋgeige jettı. Eŋ keremetı, qazırgı taŋda pedagogikalyq ūjymnyŋ basym köpşılıgınde oquşy «ünın» estıp qana qoimai, zerttep, sezıp, tyŋdau daǧdysy qalyptasqan. Oquşynyŋ damuyna qolaily orta jasau būl qazırgı taŋdaǧy basty mındetımız bolyp otyr
Şaizat TAŞENOVA,
Älihan Bökeihan atyndaǧy №76 mektep-liseiı
direktorynyŋ
orynbasary, bastauyş oqytu mūǧalımı
